მაცივარი - პროდუქტების შენახვის წესები

არსებობს გარკვეული კატეგორია კითხვებისა რომლებზედაც კაცობრიობა ეძებს პასუხებს, განსაკუთრებით კოსმიური და თეოლოგიური სფეროებიდან. თუმცა არსებობს საყოფაცხოვრებო კითხვებიც, რომლებზედაც პასუხს ადამიანები არ ვეძებთ, არადა ამ ინფორმაციის ცოდნას მნიშვნელოვნად შეუძლია ჩვენი ცხოვრების გაუმჯობესება.

სწორედ ამ კატეგორიათა რიცხვს განეკუთვნება კითხვა: მაცივარში რომელი პროდუქტი სად უნდა განთავდეს?

სავსე მაცივარი

მაცივარში პროდუქტების განლაგებას საკმაოდ დიდი მნიშვნელობა აქვს, ერთის მხრივ როგორ მაცივრის გამძლებისთვის, მეორეს მხრივ კი პროდუქტების ჯანსაღად შესანარჩუნებლად. ეს კითხვა განსაკუთრებით მნიშვნელოვანია მინი მაცივრებისა და პატარა მაცივრებისთვის

კითხვაზე პასუხი საერთოა სამსუნგის, ბეკოს, ჰიტაჩისა და LG-ს მაცივრებისთვის, მიუხედავად მათი ფასისა.

macivarshi produqtebis ganlageba

  • ზედა და შუა პოზიციის თაროები

ამ თაროებზე უნდა განლაგდეს მისართმევად გამზადებული პროდუქტები, ისეთები როგორიცაა რძის პროდუქტები, მზა საკვები და წინასწარ შეფუთული გამზადებული კერძები. ასევე წინა დღიდან მორჩენილი საკვებები, მზა ხორცეული და სალათები. ყოველივე ეს პროდუქტი უნდა იყოს თავდახურული ან/და შეფუთული რომ არ მოხდეს მათი დაბინძურება. მზა საკვებები უნდა იყოს მოუმზადებელი კერძებისა და უმი ინგრედიენტებისგან მაქსიმალურად შორს, რათა გაურეცხავი პროდუქტიდან არ მოხდეს მათი ბაქტერიებით დაბინძურება.

  • ქვედა თარო

ამ თაროზე უნდა განლაგდეს უმი ხორცი, ქათამი და თევზი დახურულ კონტეინერებში, ისე რომ მათგან გამოსულმა სითხე სხვა პროდუქტებს არ დაეწვეთოს. უმი ხორცები აუცილებლად უნდა ინახებოდეს მაცივრის ქვედა თაროზე. დარწმუნდით რომ ყველა ხორცეული კარგად არის შეფუთული და სხვასთან კონტაქტში არ მოდის.

  • სასალათე უჯრა

ხილი და ბოსტნეული, რომლებიც შენახვის წინ გაირეცხა. დარწმუნდით რომ ხილი, ბოსტნეული და მწვანილები გახვეულია ქაღალდში, ან პლასტიკატში ნახვრეტებით, რაც მათ ჭუჭყისგან დაიცავს. მწვანილი განსაკუთრებით სასურველია გაახვიოთ ხელსაწმენდში. ეს მათ გამოშრობისგან დაიცავს და საშუალებას მოგცემთ დიდხანს შეინარჩუნოთ ისინი ფრეშ მდგომარეობაში.

კარგი სიახლე ისაა რომ ზემოხსენებული წესები საყინულე მაცივრებს არ ეხება, აქ შეგიძლიათ თქვენს არტისტულ/არქიტექტურულ მოსაზრებებს სრული თავისუფლება მისცეთ.

უშუალოდ მაცივრის მოვლა-დასუფთავების წესებთან დაკავშირებით შეგიძლიათ იხილოთ ჩვენი ბლოგპოსტი - 5 მარტივი ხერხი იმისთვის რომ დიდხანს გვემსახუროს ჩვენი მაცივარი.

წყარო Fridge Shelves Storing Food

პოპულარული მოდელები