ხარისხის გარანტია
საბავშვო აუზი
საბავშვო გასაბერი აუზები ყველაზე იაფად, უფასო ადგილზე მიტანით და მოდელების უდიდესი არჩევნით თქვენი პატარებისთვის.
საბავშვო აუზები სხვადასხვა ფასისა და ზომის მიხედვით
ბავშვებს ყველა ასაკში სჭირდებათ გართობა, განსაკუთრებით ცხელ ზაფხულში.
ამიტომ გთავაზობთ საბავშვო აუზების უზარმაზარ ასორტიმენტს, რომლებიც გათვლილია მცირეწლოვანიდან, მოზარდებამდე.
გასაბერი აუზების საბავშვო კატეგორია ზაფხულში ერთ-ერთი ყველაზე მოთხოვნადია გამომდინარე იქიდან, რომ ის პირველ ისინი პირველ რიგში პატარების გასართობად და გასაგრილებლად გამოიყენება, ამასთან არ იკავებს დიდ ადგილს და ნებისმიერ, თუნდაც კორპუსის ბინაში დასადგმელად იდეალურია და ფასიც მინიმალური აქვს, არ აღემატება რა 70 ლარს, ყველაზე იაფიანის ყიდვა კი 20 ლარადაა შესაძლებელი.
საბავშვო აუზი ბავშვებისთვის საუკეთესო გასართობია
ცხელ ზაფხულში აუზში გაგრილებაზე უკეთესი არაფერია. განსაკუთრებით ბავშვებისთვის, რომელთა მთავარი მიზანიც სწორედ ხალისი და თამაშია.
საბავშვო აუზების ის ასორტიმეტი, რომელსაც ჩვენ გთავაზობთ, ნამდვილად პასუხობს ყველანაირ მოთხოვნას, რომელიც პატარების მაქსიმალურ კომფორტს უზრუნველყოფს.
საბავშვო აუზი isurve.ge-ზე 15-მდე სხვადასხვა მოდელით გახლავთ წარმოდგენილი და მათი ყიდვა როგორც პირდაპირ გადახდით, ისე განვადებით შეგიძლიათ, თუმცა ფასიდან გამომდინარე მომხმარებლები ამ უკანასკნელ მეთოდს, ამ შემთხვევაში, როგორც წესი არ იყენებენ ხოლმე.
გაიხალისეთ ცხელი ზაფხული თქვენს პატარებს და შეიძინეთ ყველაზე იაფად საბავშვო აუზები, ჩვენ არამხოლოდ უფასოდ მოგიტანთ შენაძენს არამედ დაგეხმარებით აუზის შერჩევაში.
განვიხილოთ საბავშვო გასაბერი აუზის ფასები:
- მათი ღირებულება 20 ლარიდან იწყება და ამ საფასო სეგმენტში ყველაზე პატარა მოცულობის, 15 ლიტრიანი აუზებია წარმოდგენილი,
- ხოლო ყველაზე "ძვირი" საბავშვო აუზების ღირებულება 60 ლარია და ისინი შედარებით დიდი, ნახევარ ტონიანი ტევადობით ხასიათდება.
ამ უკანასკნელის შესახებ უნდა აღინიშნოს, რომ იბერება მხოლოდ ზედა სარქველი, რაც მას სიმკვრივეს და ამავდროულად, სირბილეს ანიჭებს. შეგიძლიათ იხილოთ ფოტოზეც:
მიუხედავად იმისა, რომ საბავშვო აუზების აბსოლუტური უმრავლესობა გამძლე პოლიპროპილენის ან მყარი ვინილის მასალითაა დამზადებული, მისი მზის ქვეშ დიდხანს დება მაინც არ არის სასურველი, ჯერ ერთი იმიტომ, რომ თავად აუზი ძალიან ცხელდება და შეიძლება პატარა დაიწვას და მეორეც, მიუხედავად იმისა, რომ გაცხელებისას ის მავნე ნივთიერებებს არ გამოყოფს, თავად ბავშვისთვის მზეზე დიდხანს ყოფნა არ გახლავთ რეკომენდირებული.
ამიტომ გირჩევთ ჩაასხათ შედარებით თბილი წყალი, ან სტანდარტული ტემპერატურის, შემდეგ გააცხელოთ მზეზე და შეიტანოთ ჩრდილში, სადაც ბავშვი ითამაშებს.
აღსანიშნავია, რომ ზოგიერთ მოდელს მზისგან დამცავიც მოყვება, ზოგიერთი კი თავად ისეა დიზაინის კუთხით გადაწყვეტილი, რომ მზის სხივების პირდაპირი ზემოქმედებისგან დაცულია, ასე რომ გირჩევთ, საბავშვო აუზის ყიდვისას ეს ფაქტორების გაითვალისწინოთ.
ამ ტიპის საბავშვო აუზების ორი მოდელი, ვიზუალურად უკეთ აღსაქმელად, ფოტოს სახით ქვემოთ გახლავთ მოცემული:
როგორ შევარჩიოთ საბავშვო აუზი?
როგორც ზემოთ აღვნიშნეთ, მასალასთან, ზომასთან, მოცულობასა და დიზაინთან ერთად, საბავშვო აუზის შერჩევისას ყურადღება აუცილებლად უნდა გავამახვილოთ რამდენიმე ზოგად საკითხზეც:
- სანდოა თუ არა ონლაინ მაღაზია, სადაც აუზის ყიდვა გადაწყვიტეთ;
- რამდენად დიდი ხანია არსებობს ბაზარზე, რამდენი ფოლოუერი ჰყავს სოციალურ ქსელებში და ა.შ;
- როგორია ამ მომხმარებლების ზოგადი შეფასებები კომპანიის სოციალური მედიის გვერდებზე, სარეკლამო ბანერებსა თუ შეთავაზებებზე;
- როგორია შეფასებები უშუალოდ პროდუქტის გვერდზე, რომელიც შეარჩიეთ;
- ჰყავთ თუ არა შესაბამისი ქოლ-ცენტრი, თქვენს ნებისმიერ შეკითხვაზე ამომწურავი პასუხის გასაცემად;
- რამდენად სრულადაა მოცემული აუზის აღწერა, ახლავს თუ არა თან ვიდეო ინსტრუქცია და ა.შ;
- როგორია ფასი ამ ონლაინ მაღაზიაში და ზოგადად ინტერნეტში? ხომ არ არის ღირებულება აქ ხელოვნურად გაზრდილი?
- აქვთ თუ არა უფასო მიტანის და ონლაინ განვადების სერვისები;
- რამდენად დაცული და მარტივია უშუალოდ ყიდვის პროცესი საბარათე გადახდით;
- შესაძლებელია თუ არა თანხა არა ბარათით არამედ კურიერთან გადაიხადოთ, როცა სასურველ აუზს მიიღებთ?
ყველა ან უმრავლესობა ამ კითხვაზე დადებითი პასუხის გაცემის შემთხვევაში, შეგიძლიათ ჩათვალოთ, რომ თქვენ სწორი არჩევანი გააკეთეთ.
სად ჯობს საბავშვო აუზის ყიდვა, ინტერნეტში თუ ქალაქის მაღაზიებში?
ყველა საერთაშორისო წყაროს ცნობით, აუზები ინტერნეტ მაღაზიების ერთ-ერთი ყველაზე გაყიდვადი პროდუქტებია, ვინაიდან არ საჭიროებს ადგილზე ნახვას, რაიმე სპეციფიური ფუნქციონალის არარსებობის გამო და შესაბამისად, ყიდვისას, შეგიძლიათ იხელმძღვანელოთ იმით, რასაც ფოტოზე ხედავთ, დამატებით გაეცნოთ სხვა სურათებს, ვიდეოს - არსებობის შემთხვევაში და საიტზე მოცემულ ტექნიკურ მახასიათებლებს.
ეს ფაქტორი კიდევ უფრო მოქმედებს საბავშვო აუზების შემთხვევაში, ვინაიდან თუ შედარებით დიდი ზომის კარკასულ და გასაბერ აუზებს მცირე, თუმცა მაინც განსაკუთრებული აქსესუარები მოყვება, ფილტრის, კომპრესორის და ა.შ. სახით, ეს მოდელები პირიქით, ყველაზე მარტივია და თამამად შეგიძლიათ დარწმუნებული ბრძანდებოდეთ, რომ ინტერნეტ მაღაზიაში ყიდვის დროს მიიღებთ ზუსტად იმას, რისი მოლოდინიც გქონდათ.
ონლაინ საბავშვო აუზების ყიდვის დამატებითი უპირატესობები:
- უფასო საკურიერო სერვისი მთელ საქართველოში;
- სრული კონსულტაციის მიღების საშუალება სახლიდან გაუსვლელად;
- საჭიროების შემთხვევაში - ონლაინ საბანკო განვადება.
რატომ არ არის საბავშვო აუზი სტანდარტული საოჯახო მოდელების ალტერნატივა?
მიუხედავად იმისა, რომ ერთი შეხედვით საბავშვო აუზის ყიდვას უფრო დიდი მოცულობის საოჯახო აუზის შეძენა ჯობს, სადაც ოჯახის დანარჩენი წევრებიც შეძლებენ გაგრილებას, არსებობს რამდენიმე ძირითადი ფაქტორი, რის გამოც პირიქით, ბავშვებისთვის სპეციალური მოდელის ქონაა აუცილებელი და ამიტომაც ამ ტიპის აუზები isurve.ge-ზე განსაკუთრებული მოთხოვნით სარგებლობს, კერძოდ:
- ჰიგიენა - როგორც წესი, 2-3 წლამდე ასაკის უმჯობესია თუ ბავშვი ნაკლებად მოხვდება უფროსებთან ერთად წყალში, ჰიგიენური ფაქტორებიდან გამომდინარე;
- აუზის სიღრმე - დიდებისთვის განკუთვნილი აუზების უმრავლესობა ბევრად უფრო ღრმაა, ვიდრე ბავშვის სიმაღლე, ამიტომ თუ დიდ აუზში გსურთ იბანაოთ, ჩაძირვისგან თავის დასაცავი სპეციალური ჰაერის რგოლების გაკეთება მოგიწევთ, რაც ნაკლებად კომფორტულია;
- კომპაქტურობა - საბავშვო აუზები, მცირე ზომიდან გამომდინარე ოთახშიც კი შეიძლება დაიდგას და არ საჭიროებს განსაკუთრებულ ფართობს, ეზოს და ა.შ;
- ფასი - სტანდარტულად, ყველაზე იაფიანი საოჯახო აუზის ფასი 4-5-ჯერ ძვირია, ვიდრე საბავშვო, ამიტომ ხშირ შემთხვევაში არჩევანს ამ უკანასკნელის სასარგებლოდ აკეთებენ ხოლმე.
რა მასალისგანაა დამზადებული საბავშვო აუზები და რამდენად მიზანშეწონილია ის ბავშვისთვის?
როცა საქმე მცირეწლოვან ბავშვს ეხება, ნებისმიერი დეტალი მნიშვნელოვანია, განსაკუთრებით ის გარემო სადაც მას თამაში და დროის დიდი ნაწილის გატარება უწევს, ცხადია, ამ კუთხით საინტერესოა გქონდეთ ამომწურავი ინფორმაცია აუზების მასალის შესახებ, შეიძლება თუ არა იყოს ის მავნე ბავშვისთვის და ა.შ.
თანამედროვე სამეცნიერო კვლევების მიხედვით, როგორც პოლიპროპილენი, ისე ვინილი, სრულიად უსაფრთხოა ადამიანის და მათ შორის ბავშვის კანისთვის, მოხმარების სტანდარტული პირობების დაცვის, მათ შორის თუნდაც მცირეოდენ გახურების შემთხვევაში. ცხადია, ამ შემთხვევაში არ იგულისხმება მისი საკვებში მოხვედრა და მსგავსი დეტალები.
ორივე ეს მასალა აუზების წარმოებაში 60 წელზე მეტია რაც გამოიყენება და ის სერთიფიცირებულია როგორც აშშ-ს, ისე ევროკავშირის შესაბამისი სტრუქტურების მიერ. წლების მანძილზე მნიშვნელოვნად დაიხვეწა მისი ქიმიური შემადგენლობაც და საწარმოო პროცესი, რისი წყალობითაც არაერთი კვლევის შედეგად დადასტურდა, რომ ის არ შეიცავს კანისა და ჯანმრთელობისთვის მავნე ნივთიერებებს.
რაც შეეხება მის შემცველობას, დამატებითი ინფორმაციის მოძიება შეგიძლიათ ვიკიპედიაში ან გუგლის საძიებო სისტემის გამოყენებითაც, როგორც რუსულ, ისე ინგლისურ ენებზე. დამატებით ამ დეტალებს, პერიოდულად ჩვენს ბლოგშიც შევეხებით და სურვილის შემთხვევაში იქაც შეგიძლიათ გაეცნოთ.
მოხმარების რა ვადაზეა გათვლილი ეს პროდუქცია?
მიუხედავად იმისა, რომ ქარხნულად არც საბავშვო და არც სხვა ტიპის აუზებს გარანტია არ მოყვება და იცვლება მხოლოდ მიღებისას რაიმე ხარვეზის აღმოჩენის შემხვევაში, რაც ფაქტობრივად არ ხდება (გარანტია არ არსებობს იქიდან გამომდინარე, რომ მისი მოხმარება ძალიან სპეციფიურია და შეიძლება დაზიანდეს ბასრი ან რაიმე სხვა სახის გაუთვალისწინებელი ზემოქმედებით ან ზედაპირზე რაიმე მსგავსი საგნის მოხვედრის შედეგად), მწარმოებელი მიიჩნევს, რომ სტანდარტული მოხმარების პირობებში, რაც ნიშნავს, რომ მარტივი წესების დაცვის უფრთხილდებით მას, აუზების მოხმარება 8-10 წლის მანძილზე თავისუფლად შეიძლება.
ისურვე.ჯი-ს ჰყავს მომხმარებლები, რომლებიც ჩვენთან შეძენილ აუზებს უკვე 3 წელია წარმატებით იყენებენ და არანაირი პრობლემა არ შექმნიათ.
სტანდარტული მოხმარების პირობებში იგულისხმება შემდეგი უმარტივესი წესების დაცვა:
- მოარიდეთ აუზებს შინაური ცხოველები, ძაღლი, კატა და ა.შ;
- მოერიდეთ ბასრი საგნების, დანის და მსგავსების გამოყენებას აუზთან;
- ყურადღება მიაქციეთ ზედაპირს, სადაც აუზს დებთ, არ იყოს დანაგვიანებული ლურსმნებით, ეკლებით და ა.შ;
- გაბერვისას ან ჰაერის დამატებისას ფრთხილად მოათავსეთ კომპრესორთან, ჰაერის შემშვები წერტილის დაზიანების თავიდან ასარიდებლად.
- თუ აუზი მაინც დაგიზიანდათ, სულ მარტივად შეგიძლიათ ისარგებლოთ შესაკეთებელი მასალით, ანუ დააკრათ დაზიანებულ ადგილზე სპეციალური პლასტირი, რომელიც თითქმის ყველა გასაბერ აუზს (იშვიათად საბავშვოებს) კომპლექტაციაში მოყვება.