საუკეთესო ფასები და უფასო მიტანა მთელ საქართველოში!


სმარტ ტელევიზორები

სმარტ ტელევიზორები წლიდან წლამდე სულ უფრო და უფრო მეტი მომხმარებლის არჩევანი ხდება და ისურვე.ჯი-ს ტელევიზორების კატეგორიაში მუდმივად ლიდერობს პოპულარული მოდელების ჩამონათვალს.

გთავაზობთ სრულ მიმოხილვას, რომელიც მათ შერჩევაში აუცილებლად გამოგადგებათ.

სმარტ ტელევიზორები

რას ნიშნავს სმარტ ტელევიზორები?

4K-სთან და HDR მოდელებთან ერთად მსოფლიოს ყველა მაღაზიის თაროებზე აუცილებლად ნახავთ ტელევიზორებს მინიშნებით Smart.

დღეისთვის ის არა მხოლოდ პოპულარულია, არამედ ერთგვარ სტატუს-ქვოდ იქცა და ამ კუთხით, მნიშვნელოვანია ვიცოდეთ, რა იმალება ამ ფრაზის მიღმა.

რა ხდის ტელევიზორებს სმარტებს? და როგორია "ყველაზე ჭკვიანი ტელევიზორი"?

მთავარი განსხვავება სმარტ და არასმარტ მოდელებს შორის ინტერნეტ კავშირის შესაძლებლობაა. როგორც მიხვდით, პირველ მათგანს აქვს ის, ხოლო სტანდარტულებს - არა.

სმარტ ტელევიზორები გამორჩეულია ეთერნეტ პორტით და ჩაშენებული Wifi მოწყობილობით, რომლის საშუალებითაც ისინი ინტერნეტს უკავშირდებიან. 

ზოგადად რომ ვთქვათ, Wifi საკმაოდ სწრაფია და სტანდარტულად ყველა სატელევიზიო ფუნქციის გამართულად მუშაობას უზრუნველყოფს, მაგრამ თუ სტრიმინგი ან 4K მასალის ყურება გსურთ, მაშინ გირჩევთ არა ვაიფაით, არამედ კაბელით ისარგებლოთ.

ინტერნეტ კავშირი სმარტ მოდელებში გამოიყენება სხვადასხვა ტიპის აპლიკაციების და სერვისებზე ხელმისაწვდომად, მაგალითად Youtube და ა.შ.

მათ უმრავლესობას ასევე აქვს ჩაშენებული ბრაუზერი, რომელიც ოდნავ ძნელი მოსახმარია, ვიდრე სტანდარტული თქვენს კომპიუტერებსა თუ ტელეფონებში, თუმცა მაინც ბრაუზერია.

ხოლო ზოგიერთ თანამედროვე სმარტ ტელევიზორს კამერაც მოყვება, ონლაინ კონფერენციების მოსაწყობად და სხვა მსგავსი დანიშნულებებისთვის.

სმარტ ტელევიზორები და მათი ოპერაციული სისტემები

სმარტ ტელევიზორების სისტემების სია

წარმოგიდგენთ მსოფლიოში ყველაზე ცნობილი ბრენდების მიერ გამოყენებულ ოპერაციულ სისტემებს:

  • Samsung - Tizen - ძალიან სწრაფი, რომელიც ავტომატურად ხვდება რომელ დივაისს აერთებთ ტელევიზორში და გაძლევთ მათი პულტით მართვის საშუალებას.
  • LG - WebOS - ძალიან მარტივი და ე.წ "მოუშენ კონტროლის" შესაძლებლობა;
  • Sony, Termikel, Skytech - Android TV - თითქმის სტანდარტად ქცეული საოპერაციო სისტემა, სტანდარტული ანდროიდ ტელეფონების მსგავსი, მარტივი, ნაცნობი და მოსახერხებელი.
  • TCL - Roku OS - სხვა ფუნქციებთან ერთად გამორჩეული ხმოვანი ძებნის შესაძლებლობით, რაც TCL-ის თანამედროვე მოდელების ერთგვარი კონკურენტული უპირატესობაა.

სმარტ ტელევიზორების ალტერნატივები

უკვე ახლაც ძალიან რთულია იპოვოთ 40 ინჩზე დიდი დიაგონალის მქონე ტელევიზორი ცნობილი მწარმოებლისგან, რომელსაც სმარტ ფუნქცია არ აქვს.

მიუხედავად ამისა, ალტერნატივები ცხადია არსებობს, და ამისთვის ჩვენი მაღაზიის შესაბამისი გვერდი შეგიძლიათ გამოიყენოთ, მითუმეტეს, თუ განვადებით ყიდვა გაქვთ გადაწყვეტილი.

სმარტის ფუნქციის არმქონე ტელევიზორებს ძირითადად იმ შემთხვევაში ყიდულობენ, თუ რეგიონებში ინტერნეტთან წვდომა არ არის და ეს ფუნქცია აზრს კარგავს.

სხვა დანარჩენ შემთხვევაში, Smart დღეისთვის ტელევიზორის ყიდვის მსურველთათვის უალტერნატივო არჩევნად შეგვიძლია მივიჩნიოთ.