ხარისხის გარანტია
აუზების აქსესუარები
Intex და Bestway-ს ბრენდის აუზების აქსესუარები. ფილტრები, ტუმბოები, ტენტები და ა.შ.
გასაბერი და კარკასული აუზების აქსესუარების ჩამონათვალი ძალიან დიდია, თუმცა ჩვენ მხოლოდ ძირითად კატეგორიებს გთავაზობთ, რომლებიც ყველაზე მოთხოვნადია, ასევე ჩვენთან შეგიძლიათ აუზები იაფად და განვადებით შეიძინოთ.
აუზის ინვენტარი, აქსესუარები და მოვლის საშუალებები
წარმოგიდგენთ მსოფლიოს წამყვანი ბრენდების მიერ შემოთავაზებულ აუზის მოვლისა და დამხმარე საშუალებებს. მათი აბსოლუტური უმრავლესობა უმაღლესი ხარისხისაა და ყველა თანამედროვე სტანდარტს აკმაყოფილებს.
თუ რომელიმე სხვა პროდუქტიც გსურთ, რომელიც ამჟამად საიტზე არ გვაქვს განთავსებული, აუცილებლად დაგვირეკეთ და ვეცდებით საუკეთესო გადაწყვეტილება შემოგთავაზოთ.
აუზების გასაბერი ტუმბოები (ნასოსები)
ტუმბოები, ე.წ. ხელის ნასოსები ძალიან აუცილებელი აქსესუარია მათთვის, ვინც დიდი ზომის გასაბერ აუზებს ყიდულობს.
ისინი ორ ტიპად იყოფა, მექანიკური და ელექტრო.
მარტივად მისახვედრია, რომ მათგან პირველი ტრადიციული, ხელით ან ფეხით სამუშაო მოდელებია, ხოლო მეორე უფრო მძლავრი და ავტომატური, რომელიც 220 ან 12 ვოლტზე მუშაობს და შედარებისთვის, 4-5 ტონიან აუზს დაახლოებით 2 წუთში ბერავს.
აუზის ინვენტარი: საწმენდი, მტვერსასრუტი, დასაწებებელი და ა.შ.
აუზის ინვენტარი აუცილებელია წყლის სისუფთავისა და აუზის ხანგრძლივი ექსპლუატაციისთვის.
საწმენდი ჯაგრისები და ქსელები გამოიყენება ზედაპირზე მცურავი ნარჩენების მოსაშორებლად. აუზის მტვერსასრუტი ეფექტურად წმენდს ფსკერს და კედლებს, ხოლო ფილტრები აუცილებელია წყლის მუდმივი ფილტრაციისთვის.
დასაწებებელი მასალა გამოიყენება დაზიანებების სწრაფად შესაკეთებლად. ასევე, წყლის ტესტერები დაგეხმარებათ ქიმიური ბალანსის კონტროლში.
სხვა საჭირო ინვენტარში შედის ქლორი და ქიმიური სტაბილიზატორები, რომლებიც ბაქტერიებსა და წყალმცენარეებს უშლიან ხელს.
ამ ნივთების რეგულარული გამოყენება აუზს სუფთას და უსაფრთხოს ინარჩუნებს, რაც კომფორტულ ბანაობას უზრუნველყოფს.
კარკასული აუზის ფილტრი და სხვა აქსესუარები
აუზის ფილტრი ფრიად მნიშვნელოვანი აქსესუარია, განსაკუთრებით დიდი ზომის მოდელებისთვის.
ფილტრები სიმძლავრის მიხედვით განირჩევა, რაც თავის მხრივ პირდაპირპროპორციულია ფილტრის მიერ საათში გატარებული წყლის მოცულობისა.
რაც უფრო დიდია აუზები, მით უფრო დიდი ფილტრი სჭირდება ნორმალური ფუნქციონირებისთვის.
ფილტრებს აქვს ე.წ კარტრიჯები, რომელთა შეცვლაც სეზონურადაა საჭირო და საკმაოდ იაფი ღირს, 10-დან 30 ლარამდე, მოდელის და სიმძლავრის მიხედვით.
არსებობს ე.წ. ქვიშის ფილტრები. მათ აქვთ უკუ გარეცხვის ფუნქციაც. ანუ ერთის მხრივ აუზიდან წყალი გამოდის, გადის ქვიშის ფილტრს და ბრუნდება უკან, ხოლო უკუ გარეცხვის მეშვეობით ირეცხება ქვიშა.
ასევე ძალიან პოპულარული აქსესუარია წყლის გამათბობელი. რომელიც მაქსიმუმ 17 ტონამდე მოცულობის აუზებზე ყენდება.
ისინი დენისგან იზოლირებულია, ყენდება წყლის ფილტრზე და აქვთ თერმოსტატი, რომლის მეშვეობითაც აკონტროლებენ წყლის ტემპერატურას აუზში და არეგულირებენ მას.
აუზის გადასაფარებელი ტენტები და ქვეშ დასაფენები
ჰიგიენური ნორმების დაცვიდან გამომდინარე, უმჯობესია თუ გამოიყენებთ აუზის ტენტებს, წყლის დაბინძურების თავიდან ასაცილებლად და ასევე აუზის ქვეშ დასაფენებს, ერთის მხრივ აუზის ძირის დაზიანებისგან დასაცავად, ხოლო მეორე მხრივ აუზიდან გადმოსვლისას სისუფთავის შესანარჩუნებლად.
ორივე მათგანი ძალიან იაფია, ზოგიერთ შემთხვევაში (დიდ აუზებს) მოყვება კიდეც შენაძენს, ხოლო თუ კომპლექტაციაში ქარხნულად არ არის გათვალისწინებული, შეგახსენებთ, რომ ისურვე მათ დიდ არჩევანს გთავაზობთ.
პროფესიული ტექნიკის შესაძენად ისურვეზე უკეთესი საიტის პოვნა შეუძლებელია, ჩვენთან ყველა შენაძენზეა შესაძლებელი ფასდაკლების მიღება, ან განვადების გაკეთება, ხოლო საკურიერო სერვისი, მთელი ქვეყნის მაშტაბით, უფასო გვაქვს!