ქარსითი - უსაფრთხო და სასიამოვნო მგზავრობა ბავშვებისთვის!

ქარსითის გამოყენება ხელს უწყობს ბავშვების უსაფრთხოდ გადაადგილებას. მწარმოებლები, ქარსითის ძალიან ფართო არჩევანს სთავაზობენ დაინტერესებულ მომხარებლებს.

თქვენი შვილისთვის შესაფერისი მანქანის სავარძლის შერჩევისას, გაითვალისწინეთ  ბავშვის ასაკი, სიმაღლე და განვითარების ეტაპი.

ქარსითის ძირითადი ნაწილები:

ქამრები - რაც მეტია ქამრები მით უკეთესი. ცხადია, ხუთპუნქტიანი მექანიზმები უფრო საიმედო და გამძლეა, ვიდრე - სამპუნქტიანები;

საკეტები - მნიშვნელოვანია, რომ ეს ნაწილები იყოს არა მხოლოდ ძლიერი, არამედ - რბილიც, ვინაიდან საგანგებო სიტუაციებში, ძლიერმა ბიძგმა შეიძლება გამოიწვიოს ტანის დაზიანება;

რეგულირება - რაც უფრო მაღალია დახრის რეგულირების დონე, მით უკეთესი და მოსახერხებელია ზურგის სიმაღლის მორგება ბავშვის სხეულის პარამეტრებზე. ახალშობილთათვის რეგულირების რაოდენობა არ არის ფუნდამენტურად მნიშვნელოვანი პარამეტრი;

დაცვა - ნებისმიერი მოდელის შეძენამდე, ყურადღება უნდა გაამახვილოთ წამყვანი ორგანიზაციების მიერ ჩატარებულ ტესტებზე, რომლებიც მოიცავს ADAC, RACC და OEAMTC-ს სერთიფიკატებს;

აქსესუარები - მოწინავე მოდელები შეიძლება აღჭურვილი იყოს ფეხის საყრდენით, ბოთლის დამჭერით და სხვა. ქარსითის საბოლოო ღირებულება შეიძლება მნიშვნელოვნად იყოს დამოკიდებული ამ დეტალებზე.

რეკომენდაციები:

ჩვილები - ქარსითი უნდა დამაგრდეს ავტომანქანის უკანა სავარძელზე იმგვარად, რომ ბავშვი იყურებოდეს სახით უკანა შუშისკენ. სავარძლების უმეტესობას აქვს შეზღუდვები ბავშვების მაქსიმალურ ასაკს, წონასა და სიმაღლესთან დაკავშირებით.

სკოლამდელი ასაკის ბავშვები - ბავშვები, რომლებმაც უკვე გადააბიჯეს ჩვილების წონასა და სიმაღლის ზღვარს, ამ ასაკის ბავშვებისთვის ნებადართულია, ქარსითის იმგვარი პოზიციონირება, როდესაც სახით წინა შუშას უყურებენ.

სკოლის ასაკის ბავშვები - ამ ასაკის ბავშვებისთვის განკუთვნილ უსაფრთხო სავარძლის მექანიზმი იცვლება და ეწოდება ბუსტერი (BOOSTER). მისი გამოიყენება ხდება მანამ, სანამ ავტომობილის უსაფრთხოების ღვედი სწორად ვერ ჩაჯდება და ვერ მოხერხდება მისი ჩაკეტვა.

მოზრდილი ბავშვები - როდესაც ბავშვების ასაკობრივი და ფიზიკური განვითარება იძლევა საშუალებას, რომ მათ სწორად მოირგონ ავტომობილის უსაფრთხოების ღვედი, ზემოთ ჩამოთვლილი დამატებითი აქსესუარების გამოყენების საჭიროება აღარ არის.  თუმცა, სავალდებულოა, რომ 13 წელზე ნაკლები ასაკის ყველა ბავშვი იჯდეს ავტომანქანის უკანა სავარძელზე.