მაცივარი, თანამედროვე ცხოვრების ერთ-ერთი საოცრება!

მაცივარი თანამედროვე ცხოვრების ერთ-ერთი საოცრებაა, რომელიც მთლიანად ცვლის ცხოვრებას. თითქმის ყველა სახლის სამზარეულოში არის მაცივარი. ის ინარჩუნებს სიცივეს. 

მაცივრის დანიშნულება

მაცივრის არსებობის ფუნდამენტური მიზეზი საკვების სიცივის შენარჩუნებაა. ცივი ტემპერატურა ხელს უწყობს საკვებს, უფრო დიდხანს იყოს ახალი. გაგრილების ძირითადი იდეა არის ბაქტერიების აქტივობის შენელება (რომელსაც ყველა საკვები შეიცავს) ისე, რომ ბაქტერიებს საკვების გაფუჭებისთვის მეტი დრო დასჭირდეს.

მაგალითად, ბაქტერიები რძეს ორ-სამ საათში გააფუჭებენ, თუ რძე სამზარეულოში დარჩება, ოთახის ტემპერატურაზე. თუმცა რძის ტემპერატურის შემცირებით, ის დარჩება ახალი, ერთი ან ორი კვირის განმავლობაში -მაცივრის შიგნით არსებული ცივი ტემპერატურა ამცირებს ბაქტერიების აქტივობას, რძის გაყინვით.

შეგიძლიათ მთლიანად შეაჩეროთ ბაქტერიები და რძე შეიძლება იყოს გამოსაყენებლად ვარგისი თვეების განმავლობაში (სანამ საყინულეში დამწვრობა არ დაიწყებს რძის გაფუჭებას არაბაქტერიული გზით).
გაგრილება და გაყინვა არის საკვების შენარჩუნების ორი ყველაზე გავრცელებული ფორმა, რომელიც დღეს გამოიყენება.

მაცივრის აგებულება

მაცივრის ძირითადი იდეა ძალიან მარტივია: ის იყენებს სითხის აორთქლებას, რომ შთანთქას სითბო. ალბათ იცით, რომ როდესაც წყალი კანზე მოხვდება, სიგრილეს გრძნობთ. როდესაც წყალი აორთქლდება, ის შთანთქავს სითბოს და ქმნის ამ სიგრილის შეგრძნებას. 

სითხე, რომელიც გამოიყენება მაცივარში აორთქლდება უკიდურესად დაბალ ტემპერატურაზე, ამიტომ მას შეუძლია შექმნას გაყინვისთვის საჭირო ტემპერატურა, შიგნით მაცივარში.

ნებისმიერი მაცივრის ხუთი ძირითადი ნაწილია:

• კომპრესორი
• სითბოს გადამცვლელი მილები - სერპენტინის ან დახვეული მილების ნაკრები, დანადგარის გარეთ
• გაფართოების სარქველი
• სითბოს გადამცვლელი მილები - სერპენტინის ან დახვეული მილების ნაკრები შიგნით. 
• გასაგრილებელი სითხე - სითხე, რომელიც ორთქლდება მაცივარში ცივი ტემპერატურის შესაქმნელად.