რა პარამეტრები უნდა გაითვალისწინოთ ჭოჭინის არჩევისას?

ჭოჭინა, ეს არის  ბავშვის განვითარების უმნიშვნელოვანესი ეტაპი - ფეხის ადგმის საუკეთესო დამხმარე მოწყობილობა. მნიშვნელოვანია, რომ თქვენს მიერ შეძენილი ჭოჭინა, აუცილებლად იყოს დამოწმებული პედიატრის მიერ.

როგორ უნდა შეარჩიოთ  ჭოჭინა?

ჭოჭინის შეძენისას მრავალი ფაქტორია გასათვალისწინებელი. მაგალითად:

სიმაღლე და ზომა:

• ჭოჭინის სიმაღლე ბავშვის სიმაღლის შესაბამისად უნდა რეგულირდებოდეს
• ჭოჭინა უნდა იყოს ისეთი ზომის, რომ ბავშვი მასში არ იყოს ჩამოკიდებული, არ იდგეს თითის წვერებზე (მთლიანად უნდა დგამდეს ტერფს), ან პირიქით, არ ჰქონდეს მოხრილი ფეხები პატარა სივრცის გამო

 

ბორბლები:

• ადვილად უნდა ტრიალებდეს ნებისმიერი მიმართულებით
• უმჯობესია, დამზადებული იყოს სილიკონისგან (არ იწვევს ხმაურს და არ აზიანებს იატაკის საფარს)
• ოპტიმალური რაოდენობა უნდა იყოს 6 -10 (რაც მეტი ბორბალი აქვს ჭოჭინას, მით უფრო მყარია)

 ჭოჭინის „მაგიდა“:

• უნდა იყოს მყარი და განიერი, ბავშვის წონამ გადახრისას რომ არ გადასძლიოს და არ გადააყირაოს. (პატარა ხელებით ვერ უნდა წვდებოდეს მაგიდის სიგანეს)
• ოთხკუთხედი მაგიდები უფრო მყარია და დაცული ვარდნისგან, ვიდრე მრგვალი

 

შეძენამდე აუცილებლად გაარკვიეთ, რა მასალითაა დამზადებული ჭოჭინა , რა საღებავებითაა შეღებილი მაგიდა და სათამაშოები. დარწმუნდით, რომ ფერი არ გადასდის და ბავშვისთვის სრულიად უსაფრთხოა.

სანამ ბავშვის ჭოჭინაში ჩასმის გადაწყვეტილებას მიიღებთ, უმჯობესია, რჩევა ორთოპედს ჰკითხოთ.