საუკეთესო Follow დრონები - მოდელების მიმოხილვა

Follow დრონების გამოყენება იდეალურია ისეთი  სიტუაციებისთვის, როდესაც  გსურთ გადაიღოთ თხილამურებით სრიალი, ველოსიპედით გადაადგილება, სნოუბორდით კატაობა, სირბილი ან თუნდაც სერფინგი. მაგრამ ბევრი მათგანი არც ისე კარგად მუშაობს, მართვაც რთულია და შესაბამისად, რთულია მაღალი ხარისხის კადრების გადაღება.

ჩვენ შევადგინეთ გამორჩეული დრონების რეიტინგი, რომელთა დახმარებითაც შესაძლებელია იდეალურად სუფთა ვიდეოების გადაღება.

DJI Phantom 3 Standard - ფასისა და შესრულების საუკეთესო თანაფარდობა

DJI-ის დრონები  ნამდვილად ადგენენ თავიანთ სტანდარტებს და მომხმარებლებს მუდმივად სთავაზობენ ხელმისაწვდომ ღირებულებასა და საუკეთესო ხარისხს.  Phantom 3 საუკეთესო დრონია,  რომელსაც Follow ფუნქცია აქვს.

საუკეთესო Follow დრონები - მოდელების მიმოხილვა

Follow Me რეჟიმში ზუსტი პოზიციონირებისთვის, დრონი იყენებს GPS/GLONASS-ს. ამ სისტემის წყალობით, მოწყობილობა ჰაერში ერთი და იგივე პოზიციაზე ტრიალებს, ხოლო კამერა ობიექტს მიჰყვება.

რომელი სტატუსი უნდა მიენიჭოს მოწყობილობას? სტანდარტული, მოწინავე თუ პროფესიონალური? DJI Phantom 3 Standard დრონი ხელმისაწვდომია  სამივე კონფიგურაციაში, მაგრამ მათ შორის მთავარი განსხვავება კამერის ხარისხშია.

DJI Phantom 3 იყენებს Follow Me ტექნოლოგიას, რომელიც ძალიან მოსახერხებელია დამწყებთათვის. Phantom 3-ის მართვა ძალიან მარტივია, რომელიც პრობლემას არ შეგიქმნით.

Follow Me - DJI Phantom 3-ის ერთ-ერთი საინტერესო თვისებაა. დრონი ასევე აღჭურვილია ისეთი ჭკვიანი რეჟიმებით, როგორიცაა: Waypoints (ფუნქცია, რომელიც აღრიცხავს ფრენის კონკრეტულ ტრაექტორიას), Point of Interest (დრონი ავტომატურად ტრიალებს ობიექტის გარშემო), Home Lock (კონტროლი მფრინავის პოზიციასთან მიმართებაში).

DJI Phantom 4 - შესანიშნავი ტექნოლოგია

აღნიშნულ მოდელში ფრენის დრო 28 წუთამდე გაიზარდა, რაც დრონისთვის ნამდვილად კარგი მაჩვენებელია. მოწყობილობას დაბრკოლებების თავიდან აცილების ფუნქციაც გააჩნია, რომელიც შეიძლება სასარგებლო იყოს გარკვეულ პირობებში,  მაგალითად მაშინ, როდესაც იყენებთ Follow me რეჟიმს.

საუკეთესო Follow დრონები - მოდელების მიმოხილვა

ყველაზე დიდი განსხვავება Phantom 3-სა და Phantom 4-ს შორის არის ის, რომ ახალი მოდელი აღჭურვილია ინტელექტუალური კამერით. დრონს შეუძლია იფრინოს დაბრკოლებების გარშემო და მოახდინოს გარემოზე სწრაფი რეაგირება. დაბრკოლებების თავიდან აცილების ფუნქცია სასარგებლოა follow me რეჟიმის გამოყენების დროს.

Phantom 4 დრონის  ერთ-ერთი ყველაზე დიდი მახასიათებელი ფრენის გახანგრძლივებული დროა, რომელიც იძლევა იმის საშუალებას, რომ  უფრო დიდხანს ადევნოთ თვალყური ობიექტს და გადაიღოთ რაც შეიძლება მეტი ფოტო ან უფრო ხანგრძლივი ვიდეო.

3DR Solo

Solo by 3DR არის უპილოტო დრონი GoPro-სთვის, რომელიც ბაზარზე წარმოდგენილია, როგორც ერთ-ერთი ჭკვიანი დრონი. მოდელს აქვს საოცრად ინტუიციური მართვის მექანიზმი, რომელიც შესანიშნავია დამწყებთათვის.

საუკეთესო Follow დრონები - მოდელების მიმოხილვა

სოლოს აქვს მართვის რამდენიმე ინტელექტუალური რეჟიმი: Follow Me, Orbit, Cable Cam და Selfie.

მოწყობილობას უდავოდ  ძალიან მაგარი თვისებები აქვს, რომელიც დრონს მეტ პოპულარობას ანიჭებს როგორც კომერციული თვალსაზრისით, ისე ჩვეულებრივი მოხმარებისთვის.

ინტელექტუალური კომპიუტერული სისტემა საშუალებას გაძლევთ შეცვალოთ კუთხე, მანძილი და პერსპექტივა დრონის ფრენის დროს. შედეგად კი მიიღებთ შესანიშნავ ვიდეოს.

მინი დრონების საუკეთესო მოდელები იხილეთ ბმულზე.

შესაძლოა დაგაინტერესოთ

უკან დაბრუნება