პულივიზატორი - ხელოვნება სიმარტივეშია

მსოფლიოში უამრავი საშუალება არსებობს დასახატად, გასაფერადებლად, კედლების შესაღებად ან მოსახატად. ერთ-ერთი ცნობის მიხედვით, დაახლოებით 33 სახეობის სახატავი იარაღი არსებობს, როგორებიცაა, მაგალითად: რგოლისებრი ფუნჯი, ნაწიბურებიანი ჩარხი, გრძელი რგოლისებრი ფუნჯი და ა.შ.

ჩამოთვლილთაგან ყველაზე ფართოდ გავრცელებული, მარტივად გამოსაყენებელი და ყველასათვის საყვარელი პულივიზატორია (ალბათ დაგაინტერესათ ყველასათვის საყვარელი რატომაა, ამას მალე გაიგებთ)

პულივიზატორი

თუ თქვენ გაქვთ ფართო, ღია სივრცე და აპირებთ დახატოთ რაიმე საყვარელი ცხოველი მაგალითად კოალა ან ფრინველი, მაგალითად წერო, ან უბრალოდ გინდათ საყვარელი პეიზაჟი გადაიტანოთ კედელზე.

ან შეიძლება მარტივად გნებავთ გამოძრომა და აპირებთ საყვარელ ფერში შეღებოთ კედელი და ამასთან გსურთ, რაც შეიძლება მალე და უმტკინვეულოდ, დროის ფუჭი ხარჯვისა და საღებავის გაშრობაზე დროის დაკარგვის გარეშე გააკეთოთ ეს საქმე, მაშინ ელექტრო პულივიზატორი თქვენთვის ზედგამოჭრილია.

იმის მაგივრად, რომ აირჩიო მოცუცქნული ფუნჯი, რომელიც ალბათ მთელ კვირას წაგართმევთ, სჯობს არჩევანი პულივიზატორზე გააკეთოთ, რომლის შესაძლებლობებით ერთდროულად გაოცებული და კმაყოფილი დარჩებით. იგი სწრაფად და მარტივად შეღებავს თქვენს კედელს ზედმეტი ენერგიის დახარჯვის გარეშე.

პულივიზატორის გამოყენებისას გასათვალისწინებელი ფაქტორები

მნიშვნელოვანი და გასათვალისწინებელია, რომ პულივიზატორის გამოყენება არ არის მიზანშეწონილი დახურულ ან დახუთულ სივრცეში. იგი უნდა გამოიყენოთ მხოლოდ ისეთ ადგილას, სადაც ჰაერი კარგად მოძრაობს.

ასევე მნიშვნელოვანია, რომ ზედმეტად არ გააშხუროთ საღებავი პულივიზატორიდან, რადგან ამ შემთხვევაში შესაძლოა კედლის რომელიმე ნაწილი უფრო მუქი გამოვიდეს ვიდრე სხვა დანარჩენი.

პულივიზატორი ყველასათვის საყვარელი სახატავი საშუალებაა. პირველ რიგში იმიტომ, რომ იგი მარტივად გამოსაყენებელია და არ მოითხოვს განსაკუთრებულ ნიჭს ან პრაქტიკას, მისი გამოყენება ნებისმიერ ადამიანს უპრობლემოდ შეუძლია.

სიმარტივესთან ერთად პულივიზატორი შეიძლება გამოყენებულ იქნას, როგორც პროფესიონალური სახატავი საშუალება. ალბათ ყველას გინახავთ ვიდეოები ამერიკის სხვადასხვა ქალაქებიდან, სადაც ნიჭიერი მხატვრები პულივიზატორის დახმარებით ქმნიან საოცარ პეიზაჟებს, რომელიც არ ჩამოუვარდება არც ერთ ფუნჯით ან კალმით ნახატ ნამუშევარს.

ამასთან ერთად მე არ მეგულება ადამიანი, რომელსაც ცხოვრებაში ერთხელ მაინც არ უცდია პულივიზატორის საშუალებით რამის დახატვა ან უბრალოდ გართობის მიზნით რაიმეს გაფერადება.

როგორც ხედავთ, პულივიზატორი საკმაოდ აქტიურად გამოიყენება, როგორც არაპროფესიონალი ადამიანების მიერ, რომელთაც არასდროს დაუხატავთ თავიანთ ცხოვრებაში და ასევე იგი გამოიყენება პროფესიონალი და ნიჭიერი მხატვრების მიერ მსოფლიოს მასშტაბით, რომლებიც საკმაოდ სწრაფად და მარტივად ულამაზეს პეიზაჟებს ქმნიან.

შეიძლება დაგაინტერესოთ: პულივიზატორის ისტორია

აგრეთვე პულივიზატორი თქვენ შეგიძლიათ სახლში გამოიყენოთ ნებისმიერი რამის მოსახატად, თუმცა აუცილებლად გაითვალისწინეთ ზემოთ აღნიშნული რეკომენდაციები.

** ბლოგპოსტი განთავსებულია სატესტო რეჟიმში, ველით თქვენს გამოხმაურებას