გასაბერი აუზი განვადებით იყიდეთ და მისი შეცვლა ან დაბრუნება გსურთ?

ამ სტატიაში გვსურს საკმაოდ აქტუალურ საკითხს შევეხოთ, კერძოდ, დამტკიცებული და ხელმოწერილი განვადების გაუქმების პროცედურას.

რატომ კონკრეტულად აუზებს? იმიტომ რომ ის ერთ-ერთი სპეციფიკური პროდუქტი გახლავთ, რომლის მიღების და გახსნის შემდეგ უკან დაბრუნების პროცესი როგორც წესი საკმაოდ გართულებული გახლავთ ხოლმე, თუ ცხადია, საქმე მექანიკურ ან რაიმე სხვა ტიპის ქარხნულ დაზიანებასთან არ გვაქვს.

განსაკუთრებით საინტერესოა შემთხვევები, როცა გასაბერი აუზი განვადებით გაქვთ ნაყიდი, კურიერმა ის მისამართზე მოგიტანათ, გახსენით, გაბერეთ და უბრალოდ აღარ გსურთ მისი გამოყენება, მარტივად რომ ვთქვათ - გადაიფიქრეთ.

აქვე გვინდა კიდევ ერთხელ აღვნიშნოთ, რომ მომხმარებლის კმაყოფილება, მისი შენაძენით მიღებული სიხარული და ზოგადად, მომსახურების მაღალი სტანდარტი ჩვენი მთავარი ამოცანაა, თუმცა ხანდახან მაინც გვიწევს გარკვეული შეზღუდვების დაწესება და აუზების, განსაკუთრებით კი გასაბერი ვარიანტების შემთხვევაში ისინი საკმაოდ აქტუალურია

განვადების ან ზოგადად შენაძენის გაუქმება და თანხის უკან დაბრუნება შესაძლებელია მხოლოდ გარკვეულ შემთხვევებში:

  • თუ აუზს აქვს ქარხნული წუნი და არ გსურთ ახლით შეცვლა ან სხვა მოდელში გადაცვლა;
  • ნივთი არ მიგიღიათ ან მიღების დრო გადაცდა წინასწარ შეთანხმებულ ვადას;
  • მიიღეთ სხვა მოდელი და არა ის, რომელიც შეკვეთილი გქონდათ;
  • მიიღეთ აუზი, მაგრამ არ გაგიხსნიათ, ან კარკასულების შემთხვევაში გახსენით მაგრამ არ აგიწყვიათ, ანუ შესაძლებელია მისი სტანდარტულ შეფუთულ მდგომარეობაში უკან დაბრუნება;

შესაბამისად, თუ გასაბერ აუზს მიიღებთ, გაბერავთ და შემდეგ გადაწყვეტთ, რომ აღარ გსურთ, სამწუხაროდ განვადების გაუქმება ვერ მოხერხდება, მითუმეტეს, რომ ყველა ზემოთ ჩამოთვლილ შემთხვევაშიც კი ეს პროცედურა ჩვენი მხრიდან საკმაოდ რთულ სამუშაოსთან და ხარჯებთან გახლავთ დაკავშირებული.

აქვე გაეცანით პოსტს, განვადებით შეძენასთან დაკავშირებული ზოგადი სასარგებლო რჩევების შესახებ.

პოპულარული მოდელები