საუკეთესო ფასები და უფასო მიტანა მთელ საქართველოში!

  • წინა
  • გვერდი #2 - სულ 2 გვერდი
  • შემდეგი

გამწოვი

სამზარეულოს გამწოვები, წამყვანი ბრენდების უდიდესი არჩევანი, საუკეთესო ფასი, ონლაინ საბანკო განვადება და უფასო ადგილზე მიტანა მთელ საქართველოში.

სამზარეულო სახლის ის ადგილია რომელშიც ადამიანები ჩვენი ცხოვრების საკმაოდ მნიშვნელოვან ნაწილს ვატარებთ. სწორად ამიტომ, რემონტისა თუ განახლების დროს სამზარეულოზე მოდის ძირითადი აქცენტი - სახლის სწორედ ეს ნაწილი იტვირთება ყველაზე მეტად სამზარეულოს ავეჯი, სანტექნიკის დეტალებითა თუ მსხვილი და წვრილი საყოფაცხოვრებო ტექნიკით. ყველა ხვდება რომ სამზარეულოში კომფორტის გარეშე მყუდრო სახლის მიღება ძალიან რთული მისია იქნება.

ყველას თავისი ხედვები გააჩნია თუ როგორი უნდა იყოს კარგი სამზარეულო, და ძირითად ტექნიკაზე მაცივრებისა, ჭურჭლის სარეცხი მანქანისა და ქვაბების ნაკრების ჩათვლით დავა არც განიხილება. თუმცა ხშირად ხდება ძალიან მნიშვნელოვანი ნივთის - გამწოვის მიმართ ნაკლები ინტერესის გამოჩენა. არადა ამ მოწყობილობას (მარტივად - სამზარეულოს გამწოვ ვენტილატორს) შეუძლია ძალიან დიდი როლის შესრულება კომფორტის შექმნაში. მისი დახმარებით შესაძლებელია თავიდან აირიდოთ ნებისმიერი ტიპის საჭმლის სუნი სახლში, და უფრო მოხერხებული გახადოთ თქვენი სამზარეულო.

მაშინ ჩნდება კითხვა - როგორ შევარჩიოთ გამწოვი?

ამ კითხვაზე საპასუხოდ ყველაზე მარტივი დასაწყისი იმ დადებითი მხარეების ჩამოთვლაა რაც შეიძლება გამწოვმა მოგიტანოთ. სწორედ ამ მხარეებთან მიმართებაში უნდა მოხდეს მოწყობილობის შერჩევა, თუ რამდენად აკმაყოფილებს თითოეულ მაჩვენებელს:

  • გამწოვს შეუძლია კერძის მზადების დროს დამატებითი განათებით გაგიმარტივოთ სამზარეულოში ფუსფუსი.
  • ამ მოწყობილობებს დიდი როლი აქვთ სისუფთავეში - თუ სახლში კერძის მზადების ნამწვი და ორთქლი გროვდება ან ვრცელდება, ეს თქვენს კედლებსა და ჭერებს დააზიანებს.
  • თუ სამზარეულო არე კარგად განიავებული არ არის, მაშინ გამწოვები თავიდან გვარიდებენ ნახშირჟანგით (CO) მოწამვლის რისკებს.
  • კარგი მოწყობილობა ცხელი აირის გატანით აგრილებს სამზარეულოს რადგან ნამწვთან და მცირე ნაწილაკებთან ერთად სითბოც გააქვს სახლიდან.
  • ნამწვის გარეთ გატანის გამო თქვენ ნაკლებად ინერვიულებთ კვამლის დეტექტორებზე, რადგან მათთან ნამწვი ვერ მიაღწევს.
  • თუ თქვენ საერთოდ არ იყენებთ გამწოვებს, ეს ნივთი მაინც ძალიან მიმზიდველია სახლის მომავალი მყიდველისთვის, რადგან მისი სურვილის შემთხვევაშიც რემონტის გარეშე მის ჩამონტაჟებას ვერ შეძლებს.

გამწოვების ტიპები

  • ქალაქური ტიპის სამზარეულოს გამწოვები - ეს არის ყველაზე გავრცელებული ტიპის გამწოვი, რომლებიც მონტაჟდება თქვენი სამზარეულოს ავეჯის ქვედა მხარეს, გაზქურის მაღლა. ეს ვარიანტები საკმაოდ ხელმისაწვდომია დანახარჯების კუთხით და საკმაოდ ადვილად დამონტაჟებადია.
  • კედელზე მიმაგრებული გამწოვები - ამ ტიპის გამწოვები მონტაჟდება ისეთ შემთხვევებში სადაც გაზქურის მაღლა ავეჯი არ არის და ვიზუალურად ბუხრის მილს წააგავს. ასეთი მოწყობილობები ზედასთან შედარებით ძვირი ღირს და ძირითადად გამოიყენება მხოლოდ მაშინ თუ ავეჯზე მიმაგრების საშუალება არ არსებობს.
  • ცალკეული (კუნძულის ტიპის) გამწოვები - ვიზუალურად წაგავს ზედა, კედელზე მიმაგრებულ გამწოვს, იმ განსხვავებით რომ კეთდება ოთახის შუაში კედლის საჭიროების გარეშე, იმ შემთხვევაში თუ თქვენი სამზარეულოს განლაგება მოითხოვს ამას. ამ ტიპის გამწოვები დიზაინის კუთხით საკმაოდ ლამაზია (რადგან გათვლილია რომ დამოუკიდებლად უნდა ჩანდეს ოთახის ნაწილში), თუმცა შესაბამისად საკმაოდ ძვირიც არის.
  • ჩასაერთებელი გამწოვები - ხშირად ცნობილი სახელით პაუერ პექები (Power packs) - სტანდარტული გამწოვების ფუნქციონალის დიდ ნაწილს ფარავენ, და ამავე დროს თქვენს მიერ მორგებულ ფართში ადვილად ჩასაყენებლები არიან. თუ თქვენ უკვე გაქვთ მზა სამზარეულოს დიზაინი რომელიც ძალიან მოგწონთ, და მზად ხართ ცალკე შეისყიდოთ გამწოვის, და მიაშენოთ მას უკან ვენტილაციის სისტემა - მაშინ ეს თქვენთვის არის. ეს მოწყობილობები ძირითადად საკმაოდ იაფი ღირს, თუმცა შემდეგ მათი მონტაჟი ძვირდება დამატებითი დიზაინის და სამონტაჟო სამუშაოების გამო.

ფაქტორები რომლებიც უნდა გავითვალისწინოთ გამწოვის შერჩევისას:

  • ფასი - ამ კომპონენტში მნიშვნელოვანია არა მარტო შესასყისი ფასის, არამედ შემდგომი სამონტაჟო სამუშაოების ღირებულების გათვლაც.
  • ზომა - ამ მონაცემს ორი კომპონენტი განსაზღვრავს - პირველ რიგში რეკომენდებულია რომ გამწოვის ზომა პირდაპირ კავშირში იყოს თქვენს მიერ გამოყენებული გაზქურის ზომასთან (რადგან გაზქურიდან ამოსული ნამწვი და ნაწილაკები სრულად იქნას შეწოვილი მიერ მიერ), და ამავე დროს უნდა ესადაგებოდეს ავეჯის კომპონენტებსაც.
  • სიმძლავრე - რაც უფრო მაღალია სიმძლავრე, მით უფრო ეფექტურად აკეთებს გამწოვი თავის საქმეს. ხშირად სიმძლავრე იზომება არა მხოლოდ ვატებში, არამედ მ3 წუთებში (ანუ რა ოდენობის აირის გაწოვას ახდენს წუთში).
  • ვიზუალი - სტანდარტული გამწოვები დიდ დადებითი მხარეს ვერ მოუტანენ სამზარეულოს, თუმცა ჯამური ესთეტიკის ნაწილი შესაძლებელია რომ გახდნენ.
  • ხმაური - ეს კომპონენტი ხშირად ხდება ხოლმე უკმაყოფილების მიზეზი, ამიტომ გირჩევთ შერჩევამდე კარგად გაამახვილოთ ყურადღება და სმენა.
  • ვენტილაციის ტიპი - აქ ორი ვარიანტს შორის ხდება არჩევნის გაკეთება - გამწოვი მიმაგრებული სავენტილაციო მილზე (უკეთესი ვარიანტი), რომელსაც გარეთ გააქვს ნამწვი, და მეორე ტიპი, რომელიც ფილტრავს ჰაერს და უკან აბრუნებს.
  • ვენტილატორის სიჩქარე - გამწოვები ხშირად გვთავაზობენ სიჩქარის რამდენიმე დონეს, რომ მისი მოხმარება უკეთესად მოერგოს თქვენს საჭიროებებს.
  • მონტაჟის სიადვილე - ადვილად მისახვედრია.
  • სხვა ფუნქციები: განათება, სითბოს სენსორები (რომლებიც ტემპერატურის მატებისთანავე ავტომატურად რთავენ გამწოვს), ავტომატური გამორთვა (გარკვეული დროის მერე), ფილტრის ინდიკატორი (რომელიც მიგვითითებს რომ შესაცვლელია ფილტრი) 

შეგახსენებთ, ჩვენთან იყიდება გამწოვის მრავალი ვარიაცია, და შეგიძლიათ შეიძინოთ ბოშის გამწოვი, არისტონის გამწოვი და სხვა გამწოვები განვადებით.