ესპრესოს აპარატი

ესპრესოს აპარატი ერთ კატეგორიაში. ორიგინალი პროდუქცია, საუკეთესო ფასი, ონლაინ საბანკო განვადება, გარანტია და უფასო ადგილზე მიტანა.

თუ თქვენ ხვდებით რომ სახლის პირობებში ჭეშმარიტი, თქვენს გემოზე მორგებული და მაღალხარისხიანი ყავის მირთმევა ადამიანის ერთ-ერთი საბაზისო უფლებაა, მაშინ ესპრესოს აპარატები ნამდვილად თქვენთვის არის შექმნილი.

ესპრესოს აპარატი, იმისათვის რომ შეიგრძნობთ ნამდვილი ყავის არომატი

ასეთი მოწყობილობების საშუალებით თქვენ შეგიძლიათ სახლის პირობებში მიირთვათ (და სტუმრებსაც გაუმასპინძლდეთ) ყველა თქვენთვის ცნობილი ყავის ვარიაციებით. ერთი დანადგარის შეძენით თქვენს სამზარეულოს შემოემატება ლატე, კაპუჩინო, ესპრესო, ამერიკანო, მაკიატო და კიდევ უამრავი იტალიური და არაიტალიური სახელის მქონე სასმელები (და რიგ შემთხვევებში კერძებიც კი). ცალკე საკითხია ის რომ დიდი ალბათობით თქვენი მომზადებული ყავა უფრო ხარისხიანი და უკეთესი იქნება ვიდრე სპეციალიზებული კაფეების, რადგან თქვენ შეძლებთ თქვენი პრაქტიკით თქვენს უნიკალურ გემოს შეუსაბამოთ ყავაცა და მომზადების პირობებიც.

ნამდვილი ესპრესო კი წარმატებული დღის, მართლაც რომ, საწინდარია, ამ ტიპის ყავას მართლა შეუძლია საოცარი ენერგიით დაგაწყებინოთ ყოველი ახალი დღე.

ესპრესოს ყავის აპარატი ყველანაირი გემოვნების მომხმარებლისთვის

ყავა ყველას გვიყვარს, მაგრამ მრავალფეროვანმა გემოვნებამ მწარმოებლები შთააგონა, შეექმნათ აპარატები არა ერთი, არამედ რამდენიმე სახეობის ყავის მომზადებისათვის.

ზოგადად ხუთი ტიპის ესპრესოს ყავის აპარატი არსებობს, რომელთა შორის სხვაობა შემდეგია:

• ოპერირების სასურველი სიმარტივე, რამდენი ნაბიჯია საჭირო ყავის მისაღებად, რამდენად ინდივიდუალურად შეგიძლიათ შეცვალოთ ესპრესოს გემო, რამდენად ადვილია მათი მოვლა-შენახვა-გაწმენდა, და რაიმე დამატებითი მოწყობილობების საჭიროება თუ დგება (მაგალითად ყავის საფქვავი)
• თქვენი მისწრაფება სიმარტივისკენ, ან პირიქით, მაღალტექნოლოგიური დანადგრებისკენ.
• ადგილი, თუ რამდენის გამოყოფას შეძლებთ თქვენი ესპრესოს აპარატისთვის.
• და ბოლო, თუმცა ძალიან მნიშვნელოვანი - თქვენი ბიუჯეტი.

აუცილებლად გთხოვთ გაითვალისწინოთ რომ აპარატში მეტი თანხის გადახდა უშუალოდ ყავის ხარისხზე არ მოქმედებს, ეს ფუნქციების, სიმარტივისა და ტექნოლოგიების სხვაობაა.

რაც შეეხება უშუალოდ აპარატების ტიპებს:

• ნახევრად ავტომატური ესპრესოს აპარატები

ეს ყველაზე გავრცელებული ტიპია. გააჩნიათ ელექტრო ყავის მოსახდელი ტუმბო რომელიც მომხმარებლის მიერ ხელით უნდა ჩაირთოს და გამოირთოს. მარტივად ოპერირებადია, თუმცა რიჩაგიან ყავის აპარატების მსგავსად ყველაზე მეტ ადამიანურ ჩართულობას მოითხოვს. მარტივი გამოცდილების შემდეგ ადვილად შეძლებთ კარგი, არომატული და სქელ ქაფიანი ესპრესოს მიღებას. ადგილიც საკმაოდ ცოტა სჭირდება და ფასითაც ერთ-ერთ ყველაზე ბიუჯეტურია.

ერთი განსხვავება რაც გასათვალისწინებელია არის პორტაფილტრში, რომელიც ორი ტიპის არსებობს - დაწნევილი, და წნევის გარეშე, კომერციული. 

დაწნევილი საშუალებას გაძლევთ შეუსაბამოდ დაფქვილი ყავისგანაც კი კარგი ყავა მიიღოთ (თუმცა რა თქმა უნდა კარგი დაფქვილი ჯობია), დაუწნეველის შემთხვევაში კი რეკომენდებულია ან კარგი დაფქული ყავის მომწოდებლის მოძებნა, ან კი ხარისხიანი ყავის საფქვავის შეძენა.

• სუპერ ავტომატური ესპრესოს აპარატები

ეს მოწყობილობები ყველაზე მარტივია - აპარატი ღილაკის დაჭერისთანავე გადის სრულ პროცესს ყავის მარცვლიდან არომატულ პროდუქტამდე. მათ გააჩნიათ ჩაშენებული ყავის საფქვავი და მომზადების მექანიზმები. თითეულ ციკლს სტანდარტულად რამდენიმე წამი/წუთი სჭირდება და წინასწარ განსაზღვრული ოდენობით ყავას ამზადებს. ამავე მანქანებს ხშირად შეუძლიათ რძის აქაფება კაპუჩინოსა და ლატეს მოსამზადებლად.

ასეთი აპარატები ზომითაც არ არის ძალიან დიდი, და ძალიან მარტივი და სასიამოვნო მოსახმარია, თუმცა ნახევრადავტომატურთან შედარებით საკმაოდ ძვირი ღირს.

• ხელის რიჩაგის ესპრესოს აპარატები

ეს კლასიკური, ძველი სამყაროს სტილის გადაწყვეტილებაა. თუმცა მათთან მუშაობა ყველაზე დახვეწილ უნარებს მოითხოვს სხვა აპარატებისგან განსხვავებით. ქართულ ბაზარზე ასეთ დანადგრები ფაქტიურად არ არსებობს, და ისინი რეკომენდებულია წმინდა, კონსერვატიული ყავის მოყვარულთათვის ვინც მზად არიან დიდი დრო დაუთმონ ამ პროცესს. ასეთი აპარატების დადებით მხარედ შეგვიძლია მივიჩნიოთ მათი სიიაფე და კომპაქტურობა.

• კაფსულური სისტემის ესპრესოს აპარატები

ეს აპარატები ფაქტიურად არ განსხვავდება სუპერ ავტომატური მოწყობილობებიდან. სხვაობა მხოლოდ იმ ნაწილშია რომ ერთში ყავისა და წყლის მიწოდება გიწევს, მეორეში კი უბრალოდ წინასწარ შეძენილი, განსაზღვრული არომატის კაფსულა უნდა ჩადო და რამდენიმე წამში ყავა მზადაა. ამ ტიპის დანადგარები უპირატესობად მათი მოხმარების იდეალური სიმარტივე, ფაქტიურად ნულოვანი გაწმენდის საჭიროება და ყავის მზა გემოების უამრავი ვარიაციაა, თუმცა უარყოფით მხარეს კაფსულებზე დამოკიდებულება შეგვიძლია ჩავთვალოთ.

• ორთქლზე მომუშავე ყავის/ესპრესოს აპარატები

ყავის სამყაროში ასეთი აპარატები ესპრესოს დანადგრებად არ მიიჩნევა, რადგან მათგან ნაწარმოები ყავა უფრო ახლოს დგას ცოტა დამწვარ, ზედმეტად ძლიერ წვეთოვან ყავასთან. ამ ტიპის აპარატების მაგალითებია მაღაზიებსა და სუპერ/ჰიპერმარკეტებში მდგარი აპარატები რომლებიც ყავას თვითონ (ხშირად ხურდის ჩაგდების შემდეგ) ასხამენ.