როგორ შევარჩიოთ სამზარეულოს სასწორი ძირითადი მახასიათებლების შესაბამისად

სამზარეულოს სასწორი ზოგიერთისთვის არცთუ საჭირო ნივთია, მაგრამ გამოცდილმა დიასახლისებმა კარგად იციან მათი ფასი. სასწორები განსაკუთრებით გამოადგებათ იმ პირებსაც, რომლებიც ყურადღებით აკონტროლებენ საკუთარ წონას და ზედმიწევნით, გრამებში წონიან  თითოეული ულუფას.

სამზარეულოს სასწორები რთული მოწყობილობები არ არის, ასე რომ ყველას შეუძლია გაუგოს მათ ტექნიკურ პარამეტრებს. შეძენის დაწყებამდე მომხმარებელს ვურჩევთ განსაზღვრონ შემდეგი კრიტერიუმები:

მაქსიმალური წონა - თითოეული მოდელი განკუთვნილია გარკვეული რაოდენობის პროდუქტებისთვის, რომელთა აწონვაც ერთდროულად შესაძლებელია. ელექტრონული სასწორების  გაუკვეული მოდელები მარტივად უმკლავდებია 5 კგ-ს, მაგრამ არსებობს გამონაკლისები. მექანიკურ მოდელებს უფრო მცირე ზღვარი აქვთ და მხოლოდ 2 კგ აღწევს.  ნორმალური გამოყენებისათვის 2-3 კგ საკმარისია.

შეცდომის მაქსიმუმ-მინიმუმი - განსაზღვრავს შედეგების სიზუსტის ხარისხს. სასურველია შეიძინოთ სასწორი არაუმეტეს 1 გრ შეცდომით.

ინდიკატორი - პარამეტრი შესაბამისია ელექტრონული მოდელებისთვის. მნიშვნელოვანია, რომ დისპლეი აჩვენებდეს ინფორმაციას გადატვირთვისა და ელემენტის დონის შესახებ. ასევე, ზოგიერთ მოდელში  გააქტიურებულია ხმოვანი სიგნალი, რომელიც წონის გადატვირთვის შესახებ გაცნობებთ.

სხეულის მასალა - ეს პარამეტრი არ ახდენს გავლენას სასწორის მუშაობაზე, მაგრამ მოწყობილობის გამძლეობა დამოკიდებულია მასზე. ყველაზე გავრცელებული მასალაა პლასტმასი, რომელიც არის იაფიანი და მსუბუქი.

უფრო ძვირადღირებულ მოდელებს აქვთ ფოლადის კორპუსი, რომელიც სიძლიერისა და ნაკაწრებისადმი მდგრადობის გამო, ერთ-ერთ საუკეთესო ვარიანტად ითვლება. ნაკლებად გავრცელებულია ხე, რომელიც ელეგანტურად გამოიყურება.

სტაბილურობა -  იმისთვის, რომ მოწყობილობა მაგიდიდან არ გადავარდეს, ძალიან მნიშვნელოვანია, რომ ფეხები რეზინის ჰქონდეს.

გამოყენების მოხერხებულობა - კარგია, თუკი შერჩეული მოდელი აღჭურვილი იქნება სპეციალური მარყუჟით, რომლითაც შესძლებთ კედელზე სასწორის ჩამოკიდებას. მარყუჟი მნიშვნელოვნად დაზოგავს ადგილს, რაც განსაკუთრებით მოსახერხებელია პატარა ბინებში.

თასისა და პლატფორმის მასალა - ეს ზოგადად ემთხვევა კორპუსის მასალებს, მაგრამ უკეთესია თუ  თასი და პლატფორმა დამზადებული იქნება მინისგან, რომელიც უზრუნველყოფს ზედაპირის წმენდის სიმარტივეს.

დამატებითი ფუნქციები -  ყველა ელექტრო სასწორის  მოდელს აქვს ის სასარგებლო მახასიათებლები, რომლებიც მექანიკური სასწორებისთვის მიუწვდომელია.  მათგან ყველაზე მნიშვნელოვანი ფუნქციებია:

კონტეინერის აღრიცხვა - აწონვა ხდება იმ ჭურჭლის მონაწილეობის გარეშე, რომელშიც მოთავსებული პროდუქტები განთავსებულია უშუალოდ სასწორზე;
დამახსოვრების ფუნქცია - სასწორები იმახსოვრებენ  წინა პროდუქტების წონის შედეგებს და შეუძლიათ დააჯამონ ისინი;
საზომი ერთეულის არჩევანი - ჩვეულებრივი გრამის და კილოგრამის გარდა, შესაძლებელია ხელმისაწვდომი იყოს წონის ისეთი მაჩვენებლები, როგორიცაა უნცია და ფუნტი;
ავტომატური გამორთვა.

სამზარეულო სასწორები ისეთივე აუცილებელია, როგორც ბლენდერი, მიქსერი, მიკროტალღური ღუმელი და სხვა. შესაძლებელია ამ მოწყობილობების გარეშე ცხოვრება, მაგრამ გაცილებით ნაკლებად სასიამოვნო.