პლაზმური ჭრის იარაღების გამოყენების საფუძვლები

გაინტერესებთ თუ როგორ უნდა გამოიყენოთ პლაზმური ჭრის იარაღები? ეს სტატია ეხება სწორედ მისი გამოყენების საფუძვლებს. ლითონის ჭრის ყველაზე ეფექტური მეთოდია პლაზმური ჭრის იარაღის გამოყენება.

ცხელი პლაზმის მეშვეობით შესაძლებელი ხდება ელექტროგამტარი მასალების გაჭრა, მაგალითისთვის: ფოლადის, ალუმინის, თითბერისა და სპილენძის.

plasma cutter

პლაზმური მჭრელის შეძენა შესაძლებელია საავტომობილოსა და შემდუღებლების მაღაზიებში, აგრეთვე სამრეწველო და საფაბრიკაციო სამსახურებში. პლაზმურ მჭრელებს პოპულარობა მოუტანა ხელოვნებაში მეტალის ნაწარმის წარმოებამ.

პლაზმური საჭრელის უპირატესობები

პლაზმური საჭრელი ცნობილია მისი მაღალი სიჩქარისა და ზუსტი ჭრის შესაძლებლობით. დაბალი საოპერაციო ხარჯების გათვალისწინებით მათი გამოყენება შესანიშნავია, როგორც ფართომაშტაბიანი, ისე მცირემაშტაბიანი სამუშაოებისთვის, როგორიცაა ლითონის ხელნაკეთების შექმნა.

პლაზმური საჭრელის გამოყენება შესაძლებელია ფორმების გასაკეთებლად, ლითონის დასამუშავებლად და აგრეთვე, მატერიალების ამოჩხვლეტისთვის. ეს თვისებები მას ანიჭებს უპირატესობას ისეთი ტიპის იარაღებთან შედარებით, რომლებიც აცეტილინისა და ჟანგბადის გამოყენებით ახერხებენ სხვადასხვა მატერიალების ჭრას.

როგორ მუშაობს პლაზმური საჭრელი

პლაზმის საჭრელს გააჩნია ე.წ. ლამპარი, რომელიც შედგება სამი ძირითადი ნაწილისაგან: ელექტროდი, გაზის ქურა და საქშენები. გაზის წნევა იგზავნება ე.წ. ლამპარის მეშვეობით, რის შემდეგაც ელექტროდი ინთება და საქშენები ეხება სამუშაო ლითონს, რითიც იქმნება ერთგვარი წრედი.

ჩირაღდნიდან გასული გაზი ლითონიდან და ელექტროდიდან შექმნილი ნაპერწკლის მეშვეობით თბება და წარმოქმნის პლაზმას. ელექტრული პლაზმა ჭრის ლითონს, ხოლო დამცავი გაზი იცავს ჭრის ადგილს, ისევე როგორც შედუღების არეალს.

ხელის პლაზმური საჭრელი - ამ ტიპის საჭრელებს იყენებენ ისინი, ვისაც ლითონისგან ხელნაკეთი ნივთების დამზადების ჰობი აქვთ ან სჭირდებათ ამ იარაღის ტრანსპორტირება ხშირად. ხელის პლაზმურ საჭრელს გააჩნია ხელით სამართავი პლაზმური ლამპარი, რომლითაც ჭრის მეტალს.

მექანიკური პლაზმური საჭრელი - გამოიყენება უფრო დიდი საჭრელი სამუშაოების შესასრულებლად, რადგან ის არ იმართება ხელით, ვინაიდან დამონტაჟებულია მაგიდაზე და სწორედ ამ მაგიდაზე ხდება მეტალის დაჭრა, ხოლო ამ ჭრას და საჭრელი ლამპრის სიღრმეს აკონტროლებს კომპიუტერული სისტემა, რომლითაც აგრეთვე შესაძლებელია, როგორც ლითონის გადნობა ისევე მისი ლაზერული ჭრა.

პლაზმური ჭრის იარაღის გამოყენებისას საჭირო უსაფრთხოების ზომები

პლაზმური საჭრელი იყენებს ელექტრულ რკალს, შესაბამისად საჭიროა, რომ გამოვიყენოთ შედუღებისთვის საჭირო ჩაფხუტი და უსაფრთხოების სათვალეები, რათა თავი დავიცვათ ნათებისგან.

აუცილებლად დაიწყებს ნაპერწკლების ფანტვას, ამიტომაც კარგი იქნება თუ გამოიყენებთ შედუღების ხელთათმანს, წინსაფარს და ქურთუკს თავდაცვისთვის, რათა თავიდან აირიდოთ სხეულის დამწვრობა.

** ბლოგპოსტი განთავსებულია სატესტო რეჟიმში, ველით თქვენს გამოხმაურებას