მაჯის წნევის აპარატების გამოყენების ინსტრუქცია, როგორ გავიზომოთ წნევა სწორად?
მაჯის თანამედროვე ელექტრო წნევის აპარატები სულ უფრო და უფრო პოპულარული ხდება.
ისინი წნევის გაზომვის ზუსტი და კომფორტული საშუალებაა, თუმცა მნიშვნელოვანია ვიცოდეთ რამდენიმე ძირითადი წესი, რომელიც მნიშვნელოვანია მაქსიმალური სიზუსტის მისაღებად.
სანამ გაზომვას დავიწყებთ
სანდო შედეგის მისაღებად, სასურველია დაიცვათ შემდეგი რეკომენდაციები:
- გაზომვამდე 30 წუთით ადრე სასურველია არ მიირთვათ საკვები, მიიღოთ ალკოჰოლი, მოწიოთ სიგარეტი, ივარჯიშოთ ან მიიღოთ აბაზანა.
- სტრესი ზრდის წნევას, ეცადეთ მოერიდოთ წნევის გაზომვას უშუალოდ სტრესულ სიტუაციებში.
- გაზომვა უნდა ხდებოდეს ჩუმ, მშვიდ გარემოში.
- თუ წნევას ყოველდღე ისინჯავთ, სასურველია ეს დღის ერთსადაიმავე პერიოდში, ან უფრო მეტიც, კონკრეტულ საათზე ხდებოდეს.
სტანდარტული მაჯის წნევის აპარატის გამოყენების ინსტრუქცია
- აიწიეთ მარცხენა სახელო, თუმცა ისე, რომ დარწმუნებული იყოთ, რომ
ის ხელზე ძალიან არ გიჭერთ.
- მოათავსეთ ხელი წნევის აპარატის მარყუჟში. თქვენი ხელისგული მაღლა უნდა იყოს მიმართული. ხელი უნდა გქონდეთ გულის სიმაღლეზე.
- მანჟეტსა და თქვენს ხელს შორის აუცილებელია 1-2 სმ სივრცის დატოვება, ის ძალიან არ უნდა იყოს მოჭერილი.
- მანჟეტი არ უნდა ეხებოდეს მაგიდას, თუმცა ხელის დაყრდნობა შეიძლება.
- ხელი არ უნდა ამოძრაოთ წნევის გასინჯვისას.
