კაპუჩინოს მოსამზადებელი ყავის აპარატები

 თუ თქვენ ყავის მოყვარული ხართ და გსურთ ღილაკზე თითის მსუბუქი დაჭერით უგემრიელესი ყავა  ნებისმიერ დროს მოამზადოთ, მაშინ აუცილებლად გაეცანთ ჩვენს ბლოგს, რომელიც დაგეხმარებათ საუკეთესო ყავის აპარატის  შერჩევაში.

 ნებისმიერი ტექნიკის აღწერისას, ბლოგებში ხშირად ვუსვამთ ხაზს ტექნიკურ მახასიათებლებს, რადგან სწორედ მათი დახმარებით ვასკვნით რამდენად გამოსადეგია ესა თუ ის პროდუქცია ჩვენთვის.

 გამომდინარე იქიდან, რომ ნებისმიერი მსხვილი, წვრილი ტექნიკის ყიდვისას, ფუნქციური მახასიათებლები მნიშვნელოვანია, არც დღევანდელი პროდუქციის აღწერა იქნება გამონაკლისი ამიტომ, თუკი ყავა გიყვართ და შესაბამის მოწყობილობასაც ეძებთ, მაშინ ეს ბლოგი თქვენთვისაა!

რომელი ყავის აპარატის ყიდვა სჯობს სახლისთვის?

  ჩვენი რჩევაა: ნუ წახვალთ ყავის აპარატის საყიდლად ისე, თუკი მოწყობილობის შესახებ მცირე ინფორმაციას  არ ფლობთ, რადგან ადვილი შესაძლებელია გამყიდველმა ისეთი რეკლამირებული საქონელი მოგყიდოთ,  რომლის მახასიათებლები იმაზე უფრო დაბალი იყოს,  ვიდრე  სხვა იაფიანი მოდელების. ამიტომ, ცოდნით შეიარაღდით და მხოლოდ ამის შემდეგ მიიღეთ საბოლოო გადაწყვეტილება.

  პირველ რიგში, უნდა იცოდეთ, რომ ყველა ყავის აპარატი ავტომატურია. ეს ნიშნავს, რომ მოწყობილობები თავად ამუშავებენ ყავას, ათბობენ წყალს და მზა სასმელსაც ადამიანების ჩარევის გარეშე ამზადებენ. თუ ამ პროცესებიდან რომელიმე  მექანიკურია, მაშინ ჩათვალეთ, რომ მოწყობილობა არათუ  ყავის აპარატი, არამედ  ჩვეულებრივი ყავის მოსადუღებელია.

  გარდა იმისა, რომ ყავის მანქანები აღჭურვილია სხვადასხვა ფუნქციით, ავტომატური ტიპის აპარატებს, ბევრ სხვა სიკეთესთან ერთად,  შეუძლიათ რძიანი სასმელების - კაპუჩინოს მომზადება.

  კაპუჩინოს აპარატების  ორი ტიპი არსებობს:  პირველია - ხელის მექანიზმით მოსამზადებელი, ხოლო მეორე - ავტომატური. განვიხილოთ ისინი უფრო დეტალურად.

ხელის მექანიზმიანი კაპუჩინოს აპარატები

ასეთი ტიპის მოწყობილობებს კორპუსიდან გამომავალი პატარა მილი აქვს, რომლის ქვეშ მოთავსებულია  ცივი რძით სავსე ავზი, ხოლო საქშენებიდან გამოდის ორთქლი. სპეციალური პროგრამის  გააქტიურების შემდეგ, შეგიძლიათ მიიღოთ მაღალი, სქელი ქაფი, რომელსაც შემდეგ  დაამატებთ ყავას.

ერთადერთი განსხვავება ისაა, რომ მომზადების პროცესი მოითხოვს მომხმარებლის მხრიდან ჩარევას, რადგან შესაძლოა რძე გადმოიღვაროს. სახლისთვის ასეთი ყავის აპარატების გამორჩეული თვისება უფრო ხელმისაწვდომი ფასია.

ყავის აპარატები ავტომატური მექანიზმით

კაპუჩინოს დანადგარს  აქვს სტაციონარული  რძის კონტეინერი,  სადაც მილის საშუალებით დამოუკიდებლად, მფლობელის ჩარევის გარეშე ითქვიფება  მოთავსებული მასა.

ამის შემდეგ, ქაფი გადადის მილის არხში, საიდანაც ის უკვე ყავის ფინჯანში ხვდება, რაც  უზრუნველყოფს მის განსაკუთრებულ გემოსა და ლამაზ ტექსტურას.  ავტომატური აპარატის შემთხვევაში, ხელით არაფრის გაკეთება გიწევთ. საკმარისია მხოლოდ ღილაკზე თითის დაჭერა და სულ ესაა.

გამომდინარე იქიდან, რომ ასეთი  ყავის აპარატი უფრო მოსახერხებელი გამოსაყენებელია, მისი ღირებულებაც, რა თქმა უნდა, მეტია.

რა უნდა იცოდეთ ყავის აპარატების დამატებითი ფუნქციების შესახებ

სახლისთვის  განკუთვნილი ყავის აპარატების  ღირებულება დამოკიდებულია დამატებითი ფუნქციების რაოდენობასა და ტიპზე.  გჭირდებათ ისინი თუ არა, გიღირთ თუ არა მათში დიდი თანხის გადახდა, უნდა გადაწყვიტოთ თქვენი პირადი საჭიროებების გათვალისწინებით.

გაითვალისწინეთ ისიც, რომ ზოგიერთი დანადგარი ყავას ფოლადის დანით ამუშავებს,  ​​ზოგიერთი კი - კერამიკული დანებით. ეს უკანასკნელი არ წვავს მარცვლებს, ამიტომ სასმელს თავდაპირველ გემოს უნარჩუნებენ.

გამომდინარე იქიდან, რომ ბაზარზე ყავის აპარატების ფართო არჩევანია წარმოდგენილი, მათი მახასიათებლები შესაძლოა ერთმანეთისგან განსხვავებულიც კი იყოს, მაგრამ ძირითადი თანამედროვე, დახვეწილი თვისებები შემდეგნაირად გამოიყურება:

• განათებული ეკრანი;
• სენსორული კონტროლი;
• მეხსიერება - რამდენიმე ადამიანისთვის ინდივიდუალურად ყავის მომზადება;
• დაგვიანებული დაწყების ტაიმერი;
• სამუშაო ადგილის განათება;
• წყალმომარაგების სისტემასთან მიერთების შესაძლებლობა;
• თვითმწმენდი ფილტრები.

და ბოლოს, აუცილებლად წარმოგიდგენთ საუკეთესო ყავის აპარატს, რომელიც  გათვლილია ზუსტად კაპუჩინოს მოსამზადებლად

De'Longhi Magnifica ECAM 22.110

 ყავის აპარატი Delonghi ხელმისაწვდომია შავსა და ვერცხლისფერ დიზაინში. მოწყობილობა წარმოქმნის 15 ბარ წნევას, რომლის განყოფილება მუშაობს როგორც დაფქვილ ყავასთან, ისე - მარცვლებთან.

სამწუხაროდ, აპარატს არ აქვს ეკრანი, მაგრამ ღილაკების დიოდური განათება ნაწილობრივ ანაზღაურებს ამ დანაკლისს. ყავის ჩამოსხმის რეგულირება შესაძლებელია  86-დან 142 მმ-მდე ფინჯნის სიმაღლეზე. მომხმარებელს შეუძლია თავად დაარეგულიროს ყავის სიძლიერე და წყლის ტემპერატურა.

ძირითადი მახასიათებლები:

• სიმძლავრე - 1450 ვტ;
• ავზის მოცულობაა - 18 ლ;
• ერთდროულად 2 ჭიქის მოთავსების შესაძლებლობა

დადებითი:

• კომპაქტური გამჭვირვალე  წყლის კონტეინერი;
• მოსახერხებელია წყლის ჩასხმა;
• მარტივია დამატებითი დანადგარის გამოტანა და გარეცხვა.