ელექტრო გამათბობლის შერჩევის კრიტერიუმები
თანამედროვე ელექტრო გამათბობლები მაღალტექნოლოგიური მოწყობილობებია, რომლებიც საკმაოდ მობილური და გამძლეა. მათი გამოყენება სრულიად უსაფრთხოა და შეგიძლიათ განათავსოთ სასურველ ადგილზე. იატაკის ზოგიერთ ელექტრო გამათბობელს შეუძლია როგორც ჰაერის გაგრილება, ასევე - დატენიანება.
გამათბობლის შერჩევის კრიტერიუმები:
იატაკის გამათბობლის ასარჩევად ყურადღება უნდა მიაქციოთ მოწყობილობის ტიპსა და მის სიმძლავრეს. ოთახის გათბობის ხარისხი პირდაპირ დამოკიდებულია ენერგიაზე. ითვლება, რომ 15 მ² ფართობის ოთახი შეიძლება გაათბოს 1 კვტ-იანმა (1000 ვტ) აპარატმა, ხოლო უფრო დიდი ფართობისთვის საჭიროა უფრო ძლიერი მოწყობილობის შეძენა.
მნიშვნელოვანია გაითვალისწინოთ! გათბობის საჭირო ფართობის გაანგარიშებისას უნდა გაითვალისწინოთ ის ოთახები, რომლებშიც ოჯახი უმეტეს დროს ატარებს. სამზარეულოს ფართობის გათვალისწინება არ ხდება, რადგან ღუმელიდან გამოდის სითბო, რომლის რაოდენობაც საკმარისია მის გასათბობად.
მუშაობის პრინციპიდან გამომდინარე, გამოირჩევა რამდენიმე ტიპის გამათბობელი:
- ზეთის გამათბობლები;
- ვენტილატორიანი გამათბობლები;
- კონვექტორი;
- ინფრაწითელი გამათბობელი.
მნიშვნელოვანია გახსოვდეთ! ყურადღება მიაქციეთ ოთახის სიმაღლეს. მაღალჭერიანი ოთახის გათბობა მეტ ენერგიას მოითხოვს. ასევე, გამათბობლის სიმძლავრის დადგენისას, უნდა გაითვალისწინოთ ფანჯრების რაოდენობა და მასალა.
გამათბობლების საუკეთესო მწარმოებლები
ბაზარზე არსებობს ელექტრო გამათბობლები, რომლებიც დამზადებულია სხვადასხვა კომპანიის მიერ. ყველაზე პოპულარულია შემდეგი ფირმების მიერ წარმოებული მოწყობილობები:
Timberk: წარმოდგენილი მოდელები ხასიათდებიან ეფექტური მუშაობით, ახალი ტექნოლოგიებითა და ორიგინალური სტილით.
Electrolux: მოწყობილობები მნიშვნელოვნად ზოგავენ ენერგიას. ამასთან, მრავალფუნქციურია და აქვთ დახვეწილი დიზაინი.
Noirot: იაფიანი და ფუნქციონალური მოდელები, რომლებიც სწრაფად და ეფექტურად ასრულებენ სამუშაოებს. აღნიშნული ბრენდის ელექტრო გამათბობლები მსოფლიოში დიდი პოპულარობით სარგებლობს.
Polaris: მოდელები აერთიანებს მაღალხარისხიან მუშაობასა და კლასიკურ დიზაინს, რომლებსაც აქვთ მარტივი ოპერაცია და ხელმისაწვდომი ფასი.
Hyundai H HC3 06 UI999
გამათბობელი გამოიყენება პატარა (დაახლოებით 10 მ²) ოთახის გასათბობად. მოწყობილობა იყენებს 700 ვატს, ხოლო დენის სიმძლავრე მექანიკურად რეგულირდება: 660, 330 ვტ. დამონტაჟებული სახელურით მარტივია მისი გადაადგილება. მეტი უსაფრთხოებისთვის კი, გამათბობელი დაცულია გადახურებისგან.
უპირატესობები:
- კომპაქტურობა;
- სტრუქტურული სტაბილურობა;
- დაბალი ენერგიით პატარა ოთახი სწრაფად თბება და სითბოც დიდხანს ნარჩუნდება;
- ჰაერი არ არის მშრალი.
ნაკლოვანებები:
- ათბობს ძალიან მცირე ფართობს.
Timberk TEC.PF10N DG 1000 IN
Timberk ელექტრო კონვექტორის სიმძლავრეა 1000 ვტ, რომელიც სწრაფად ათბობს 15 მ² ოთახს. აქვს ძალიან ლამაზი და ორიგინალური დიზაინი.
მოწყობილობა სტაბილურად ინარჩუნებს დაყენებულ ტემპერატურას. დაპროგრამებული ლიმიტის მიღწევის შემდეგ კი ითიშება. თუ ტემპერატურა ქვემოთ დაეცემა, გამათბობელი ავტომატურად ირთვება.
უპირატესობები:
- ოთახი სწრაფად და თანაბრად თბება;
- აქვს მაღალი სიმძლავრე;
- მუშაობს ჩუმად;
- არ აშრობს ჰაერს.
მინუსი:
- ბორბლებისა და სახელურების ნაკლებობა ართულებს მის გადაადგილებას.
ჩვენს წინა ბლოგში მიმოვიხილეთ საუკეთესო გამათბობლები სახლის, ბინისა და აგარაკისთვის, დაინტერესების შემთხვევაში ეწვიეთ ბმულს.
პოპულარული მოდელები
კომერციული გარანტია 1 წელი
