10 ხელსაწყო, რომელიც ყველას უნდა ჰქონდეს

საკუთარი ხელით ნივთების შექმნა სასიამოვნო პროცესია და ფულის დაზოგვაშიც გვეხმარება. თუმცა სანამ მუშაობაზე გადავალთ, მთავარია ხელსაწყოები სწორად შევარჩიოთ.

ამისათვის კი აუცილებელია გაგვაჩნდეს ჩვენი ნაკრები, რომელშიც მინიმუმ 10 იარაღი აუცილებლად უნდა იდოს. მნიშვნელობა არ აქვს ბინას ფლობთ თუ ქირაობთ, სახლში უამრავი საქმეა გასაკეთებელი, რომლებიც თავად შეგიძლიათ შეასრულოთ.

ეს თქვენს უნარებზეა დამოკიდებული, თუმცა დამწყებებს რამდენიმე ვიდეოსა და სტატიის დახმარებით მრავალი პრობლემის დამოუკიდებლად გადაჭრა შეუძლიათ. ეს ნივთები კი ამ გზაზე დიდ დახმარებას გაგიწევთ:

1. ჩაქუჩი - დაწყებული სურათის დაკიდებით დასრულებული საკუთარი კონსტრუქციების ჩათვლით, ჩაქუჩის გარეშე არასდროს არაფერი გამოდის. თანაც ხის ტარი არც ისე ძვირია, მეტალის თავი კი დიდხანს ძლებს და ძალასაც იშვიათად კარგავს.

2. ატვიორკა - ნაკრებში აუცილებლად უნდა გედოთ ატვიორკაც. გავრცელებულია ორ თავიანი ატვიორკები, რომლებიც განსხვავებულ ფუნქციებს ითავსებენ. აღსანიშნავია, რომ ეს ხელსაწყო არც ისე ძვირია და ზოგჯერ მრავალი ნაწილისგანაც შედგება.

3. თარაზო - რასაც არ უნდა აკეთებდეთ, კიდებდეთ თაროებს ან სურათებს, მათი გასწორება, სიმეტრია და სიზუსტე მნიშვნელოვანია, ამიტომ აუცილებლად იქონიეთ ეს ხელსაწყო.

4. ბრტყელტუჩა - ბრტყელტუჩის გამოყენება შეგიძლიათ ბოლტებისა და ქანჩების კედლიდან ამოსაღებად და მრავალი სხვა საჭირო საქმისთვის.

5. საიზოლაციო ლენტი - სასწრაფო შეკეთებებიდან დაწყებული კაბების შელამაზებით დამთავრებული, ლეიკოპლასტის გამოყენება შეგიძლიათ თითქმის ყველაფერში, ის წებოვანი, ძლიერი და იაფია.

6. ნიჩაბი - თუ თოვლიან ადგილას ცხოვრობთ ნიჩაბი აუცილებლად გჭირდებათ. ასევე მისი გამოყენება აუცილებელია ბაღის დასასუფთავებლად, მცენარეების მოსავლელად და ა.შ.

7. მეტრიანი - ძველი თქმულების თანახმად ასჯერ უნდა გაზომოთ და ერთხელ გაჭრათ. თაროები, კარადები, საწოლები ყველაფერი გაზომვას საჭიროებს. დადებითია ისიც, რომ მეტრიანი კომპაქტურია და ნებისმიერ ნაკრებში შეიძლება მისი ჩატევა.

8. საკანცელარიო დანა - ეს პატარა და საჭირო იარაღი გამოგადგებათ ყუთების გასახსნელად, მისი პირი ყოველთვის ბასრი, სწრაფი და ჩვეულებრივზე უფრო უსაფრთხოა.

9. ხელის ხერხი - მცირე და სასწრაფო საქმეების შესასრულებლად როგორიცაა, მაგალითად, ტოტების მოჭრა, მცირე ზომის ხერხი ყოველთვის საჭირო და გამოსადეგია.

10. დრელი - მცირე ზომის ხელში დასაჭერი უსადენო დრელი თქვენი იარაღების ნაკრებში არც ისე დიდ ადგილს დაიჭერს და საჭიროების შემთხვევაშიც ძალიან გამოგადგებათ.

მიუხედავად იმისა, რომ სადენიანი დრელები უფრო იაფია, უსადენო იარაღი მარტივად მოსახმარებელი გახლავთ.  უნდა აღინიშნოს ისიც, რომ არსებობს თავად დრელების ნაკრებებიც, მაგრამ მცირე ზომის დრელის მოთავსება სხვა კომპლექტებშიც შეიძლება.

** ბლოგპოსტი განთავსებულია სატესტო რეჟიმში, ველით თქვენს გამოხმაურებას