რომელია საუკეთესო ინჰალატორი და როგორ უნდა შევარჩიოთ

სანამ ინჰალატორის ყიდვას გადაწყვეტთ, აუცილებელია გაარკვიოთ მოწყობილობის მუშაობის პრინციპი. ინჰალატორები მუშაობს ინჰალაციური სითხეებით (წამლებით), რომლებიც ინიშნება ექიმის მიერ. იმისათვის, რომ პრეპარატი ანთების ადგილზე მივიდეს, იგი გარდაიქმნება აეროზოლად (თერაპიული ღრუბელი) და მიეწოდება სასუნთქ გზებს.

აეროზოლი გარდაიქმნება სხვადასხვა გზით და, ამის მიხედვით, გამოირჩევა რამდენიმე ტიპის ინჰალატორები:

ორთქლის  - წარმოქმნის ორთქლს მდუღარე სითხის საშუალებით. მოწყობილობის მინუსი ინჰალაციის ფორმულირებების შეზღუდული სიაა, რადგან დუღილის დროს მათი უმეტესობის მოლეკულები ნადგურდება. გარდა ამისა, აქტიური ნივთიერების კონცენტრაცია აეროზოლში ძალიან დაბალია.

კომპრესორის - ასეთი ინჰალატორები აღჭურვილია კომპრესორით, რომელიც უზრუნველყოფს შეკუმშული ჰაერის ძლიერ ნაკადს. მილის საშუალებით, ჰაერი შედის ნებულაიზერის კამერაში (ნებულაიზერი), სადაც ინჰალაციის სითხე წვრილ ნაწილაკებად იშლება.

კომპრესორიანი ინჰალაციის აპარატი თავსებადია წამლების დიდ რაოდენობასთან და გამორჩეულია ღირებულების, გამძლეობის მხრივ. უარყოფითი მხარეებია - მუშაობის დროს ხმაური და დენის ქსელთან დაკავშირება.

ულტრაბგერითი - წარმოქმნის ულტრაბგერით ტალღებს, რომელთა გავლენით იქმნება აეროზოლი. მოწყობილობა ჩუმი და მობილურია, ხოლო მისი მუშაობა ქსელიდან ან აკუმულატორიდან შეიძლება.

აპარატის უარყოფითი მხარე ისაა, რომ ულტრაბგერითი ანადგურებს ზოგიერთი წამლის მოლეკულას, ამიტომ მოწყობილობა შეუთავსებელია ანტიბიოტიკებთან და ჰორმონის შემცველ წამლებთან.

ბადისებრი ნებულაიზერი - აღჭურვილია სპეციალური ქსელით (მემბრანით), რომელიც ვიბრირებს ულტრაბგერით და ანაწილებს წამლებს ნაწილაკებად. მოწყობილობას აქვს კომპაქტური პორტატული, დიზაინი, რომელიც მუშაობს ძალიან მშვიდად.

მთავარი უარყოფითი მხარე ისაა, რომ საჭიროებს ფრთხილად მოვლა-პატრონობას (ბადეზე არსებული ხვრელები შეიძლება დაზიანდეს), ასევე სხვა მოწყობილობებთან შედარებით მაღალი ღირებულება.

Flaem Nuova Delphinus F1000

ეს არის ძლიერი, საიმედო მოწყობილობა, რომელიც პოპულარულია ჯანდაცვის დაწესებულებებში. ნებულაიზერით ინჰალაცია სამ რეჟიმში ხდება. სპეციფიკური ატომიზატორის დაყენებით, მომხმარებელი ირჩევს აეროზოლის წარმოებას კონკრეტული დისპერსიით.

ეს საშუალებას გაძლევთ იმოქმედოთ კონკრეტულად ტრაქეაზე ან ფილტვებზე. ინჰალატორი Flaem Nuova აღჭურვილია ძლიერი კომპრესორით, რომელსაც შეუძლია 1 საათის განმავლობაში შეუფერხებლად მუშაობა. მოწყობილობა აღჭურვილია ნიღბებით, ასევე  ბავშვებისა და მოზრდილებისთვის განკუთვნილი საქშენებით. გარდა ამისა, მოყვება ცხვირის საქშენიც.

ინჰალატორის დიზაინი მოიცავს აქსესუარების განყოფილებას და კაბელის შესანახს. მოწყობილობა მუშაობს ნებისმიერ წამლებთან და ეფექტურად უმკლავდება სასუნთქი სისტემის ნებისმიერ დაავადებას. მოწყობილობის ერთადერთი მინუსი მძიმე წონა - 2.1 კგ და კომპრესორის ხმაურიანი მუშაობაა.

Pari Compact

ინჰალაციისთვის განკუთვნილი ეს მოწყობილობა მიეკუთვნება ბიუჯეტურ მოდელებს, ნებულაიზერის კამერის, ნიღბებისა და პირის დამცავების შეძენა ხდება მუშაობის ხასიათიდან გამომდინარე. მაგალითად, თუ მცირეწლოვანი ბავშვების მკურნალობას აპირებთ, უნდა შეიძინოთ პატარა ნიღაბი.

მოწყობილობა მუშაობს ნებისმიერ თანამედროვე მედიკამენტთან. Pari Compact ინგალატორი საიმედო, გამძლე და უსაფრთხოა. მოწყობილობის კომპაქტური დიზაინი აადვილებს ტრანსპორტირებას. სპრეის სპეციალური დამჭერი კი მოცემულია სხეულზე.ნებულაიზერის ფასიც საკმაოდ მისაღებია,   მოწყობილობის უარყოფითი მხარეა მისი ხმაურიანი მუშაობა.