საუკეთესო სმარტფონები ძლიერი ბატარეით

ჩვენ შევისწავლეთ იმ საუკეთესო მობილურების შესაძლებლობები , რომლებსაც მძლავრი აკუმულატორები აქვთ და დატენვის გარეშე შეუძლიათ მინიმუმ დღე-ნახევარი ან ორი დღე მუშაობა.

დღევანდელ ბლოგში წარმოგიდგენთ  მძლავრი აკუმულატორის მქონე მობილურებს , ხოლო აქვე შეგახსენებთ იმასაც, აღწერაში ჩამოთვლილი მოდელების პოვნა შეგიძლიათ ჩვენი ინტერნეტ მაღაზიის საიტზეც, სადაც სხვა თანამედროვე მოდელის ტელეფონებიც დაგხვდებათ, თან საკმაოდ ხელმისაწვდომ ფასად!

Redmi Note 8

2019 წლის ერთ-ერთი ყველაზე პოპულარული სმარტფონი, რომელიც ბაზარზე საკმაოდ დაბალ ფასშია წარმოდგენილი. უნდა აღინიშნოს, რომ მოწყობილობას შუშის უკანა საფარი განსაკუთრებულად ლამაზ იერს სძენს. რაც შეეხება ეკრანს, საკმაოდ დიდია - 6.3 ინჩი, მაგრამ ჩარჩოები მაინც ვიწრო აქვს. ტელეფონი გამოირჩევა Snapdragon 665 პროცესორითა და უკანა 4 კამერით.

აკუმულატორი 4000 mAh სიმძლავრისაა, რომელიც მთელი დღის განმავლობაში მოგემსახურებათ.

უპირატესობები:

• დახვეწილი დიზაინი;
• შესანიშნავი ეკრანი;
• შესრულების კარგი მაჩვენებელი;
• კამერა, რომელიც გამოირჩევა საინტერესო ფუნქციების სიმრავლით.

Honor 8X Max

Max სახელი გულისხმობს არა მხოლოდ ბატარეის დიდ ხანგრძლივობას, არამედ ეკრანის ზომასაც. Honor 8X Max -ს აქვს 7.1 დიუმიანი დისპლეი, რომელიც სიდიდით სმარტფონსა და ტაბლეტს შორის მერყეობს.

5000 mAh ელემენტის დამსახურებით, Honor  მობილური   მუშაობს საშუალოდ 1.5 დღის განმავლობაში , ხოლო ბატარეის სრულად დატენვას 2 საათზე მეტი დრო სჭირდება.

უპირატესობები:

• დიდი და მაღალხარისხიანი ეკრანი;
• მეხსიერების საკმარისი მოცულობა;
• კარგი ხმა.

ნაკლოვანებები:

• არ არის  გათვალისწინებული NFC ფუნქცია.

Asus Zenfone Max Pro M2

Asus-ის Zenfone Max Pro ხაზმა შეიძლება კონკურენცია გაუწიოს Honor -სა და Redmi 7 -ს ან 8-ს. M2-ის მთავარი მინუსია წინა პანელის ცუდი დიზაინი, მაგრამ ტელეფონის უკანა მინის საფარი საკმაოდ ელეგანტურად გამოიყურება.

ეკრანი 6.26 ინჩიანია HD + რეზოლუციით, ხოლო სმარტფონის მუშაობაზე პასუხისმგებელია Snapdragon 660 პროცესორი. მოწყობილობა აღჭურვილია სუფთა Android OS-ით, ხოლო ორიოდე პროგრამაა მოწოდებული Asus-სგან. 5000 mAh ბატარეა უზრუნველყოფს 6 საათამდე  ინტენსიურ მუშაობას. ანუ ნორმალურ რეჟიმში გარანტირებულია 1.5-2 დღიანი მუშაობა.

უპირატესობები:

• ელეგანტური უკანა საფარი;
• ლამაზი ეკრანი;
• სუფთა Android პროგრამა;
• აქვს  NFC ფუნქცია;
• Snapdragon 660 პროცესორი

ნაკლოვანებები:

• არ აქვს სწრაფი ტენვის ფუნქცია.

Samsung Galaxy M30s

Galaxy M30s- ს აქვს უფრო მაგარი დიზაინი, ვიდრე წინა მოდელის სამსუნგის ტელეფონებს,  მოწყობილობას აქვს შესანიშნავი AMOLED ეკრანი, NFC ფუნქცია და 48 მეგაპიქსელიანი სამმაგი კამერა.

ამასთან, ამ Samsung Galaxy- ს  მთავარი სიამაყე 6000 mAh ბატარეაა, რომელიც იძლევა იმის საშუალება, რომ  ტელეფონის ეკრანის ხანგრძლივობა 10-11 საათის  განმავლობაში ხელმისაწვდომი იყოს. ანუ, დაახლოებით  სრული 2 დღე მოგემსახურებათ.

უპირატესობები:

• ელემენტის განსაკუთრებული მოცულობა;
• აქვს NFC ფუნქცია;
• მაღალი რეზოლუციის სამმაგი კამერა;
• ღირსეული შესრულება;
• უნაკლო ეკრანი.